શીર્ષક - "આદર લખજો"
લખો કોઈનું નામ તો સાદર લખજો;
મુખ જરા મલકાવીને આદર લખજો;
તળાવ, વડલો ને એ ખૂબસૂરત દ્રશ્યો,
યાદ આવી મિત્રની? તો પાદર લખજો;
નદીએ જતી પનિહારીનો પગરવ જો,
છેડે હૃદયના તાર તો ઝાંઝર લખજો;
તરસ છીપે, હૃદય પામે જ્યાં શીતળતા!
સ્મરણોથી ભરેલી એક ગાગર લખજો;
કોઈના ખ્યાલોમાં જો થાઓ એકાકાર,
દુધમાં ભળી'તી જાણે કે સાકર લખજો;
યાદ આવી જાય કોઈની વિરહમાં, તો!
આંખોથી વહેતી સતત ભાદર લખજો;
સાવ કોરું કોરું ભલેને રહ્યું આ "વ્યોમ"
ભીંજાવ લાગણીથી તો વાદળ લખજો;
"વ્યોમ" આજ વરસી પડ્યું મુશળાધાર,
છતાં, બૂંદ બૂંદ તરસ્યું છે મુકદ્દર લખજો;
✍... © વિનોદ.મો.સોલંકી "વ્યોમ"
GETCO (GEB),
મુ. રાપર.
