ચંપા...
ચિત્તડાંની ચોર પેલી ગામડિયણ ચંપા ચાંપલી છે!
નાવણીયા ચૌટે લૂગડાં ચોરી મજાક કરતી ચંપા ચાંપલી છે.
રસ્તા ખેતરના વાંકા ચૂંકા ઉબળ ખાબડ ખાડા ટેકરા !
ખાડામાં હું જ પડું એ ઈચ્છતી ચંપા ચાંપલી છે.
સંતાકૂકડી,કબડ્ડી,ખો..ખો,લંગડીમાં નંબર એક છે !
ફેરફુદરડી,દોડા દોડીમાં અવ્વલ ચંપા ચાંપલી છે.
નમણી નાજુક મસ્તીખોર,નવાં ચોળી ચણીયો ગરબે ઘૂમે,
રમવામાં અવ્વલ રમતવીર ગામને ગમતી એ ચાંદની છે.
ચિત્ત ચોર છે,મસ્તીખોર છે,કાયમ ઝઘડા એના હોય જ!
પરણી એ સસરે હસતી જતી ઘૂઘટામાં ચંપા ચાંપલી છે !
સૌનું એ રમકડું હીબકાં લેવડાવતી એ આજે પરણી ગઈ!
સૌ વળાવી વળ્યા ઘેર પરંતુ રડાવી ગઈ ચંપા ચાંપલી છે.
***********************
- સવદાનજી મકવાણા (વાત્ત્સલ્ય)
નોંધ:(નીચેનો ફોટો અને કાવ્યમાં વારંવાર બોલાતું નામ પ્રતિકાત્મક uછે.)
