દેશની શાન દેશનું માન દેશનું અભિમાન
એ જ છે ત્રિરંગાની ઓળખ...
ક્યારેય ન થાય એ નત મસ્તક,
સદા રહે એ ઉન્નત...
જોઈ લહેરાતો એને,
થર થર કાંપે દુશ્મન...
જો ન જળવાય સન્માન એનું,
સમજો ચૂક્યા મોટી ફરજ આપણી...
લખી કોઈ લખાણ એનાં પર
કરીએ ન અપમાન એનું...
ફાટી જાય કે મેલો થાય જો
આ ત્રિરંગો, નષ્ટ કરીએ એને
વિધિપૂર્વક અને સન્માનથી...
જાળવી એનું સન્માન સદાય
કરીએ સાચી દેશભક્તિ...
ન લહેરાવીએ ત્રિરંગો
એક જ દિવસ પૂરતો,
ન જગાવીએ દેશભક્તિ એક જ દિવસની...
રાખીએ સદાય જુસ્સો એવો,
કોઈ ન કહે એને દેખાડો...
"છું હું દેશભક્ત અને રહીશ સદાય"
હોય આ જુસ્સો દિલમાં કાયમ...
-Mrs. Snehal Rajan Jani
