લોકગીત
વાદલડી વરસી રે સરોવર છલી વળ્યાં
સાસરિયામાં મ્હાલવું રે,
પિયરિયાં માં છૂટથી રહ્યા.
વાદલડી વરસી રે
સરોવર છલી વળ્યાં
મારા પગ કેરાં કડલાં રે,
વીરો મારો લેવા હાલ્યો,
વીરા લઈને વેલો આવજે રે,
સાસરિયા મારે ઘિરે બેઠા.
વાદલડી વરસી રે
સરોવર છલી વળ્યાં
મારા હાથ કેરી બંગડી રે,
વીરો મારો લેવા હાલ્યો,
વીરા લઈને વેલો આવજે રે,
સાસરિયા મારે ઘિરે બેઠા.
વાદલડી વરસી રે
સરોવર છલી વળ્યાં
મારા નાક કેરી નથણી રે,
વીરો મારો લેવા હાલ્યો,
વીરા લઈને વેલો આવજે રે,
માંડવિયા મારે ઘિરે બેઠા.
વાદલડી વરસી રે
સરોવર છલી વળ્યાં
મારી ડોક કેરો હારલો રે,
વીરો મારો લેવા હાલ્યો,
વીરા લઈને વેલો આવજે રે,
માંડવિયા મારે ઘિરે બેઠા.
વાદલડી વરસી રે
સરોવર છલી વળ્યાં(૩)
ગુજરાતી લોકગીત
પ્રસ્તુતકર્તા: ડો ભૈરવસિંહ રાઓલ
