દરિયો🌊
કેમ આકર્ષે છે નથી ખબર પણ જ્યારે જ્યારે ભીની રેતીમાં પગ મંડાય છે ત્યારે ત્યારે એક નવી શરૂઆત થાય છે.કિનારા પર પડેલા એ પગલાં જ્યારે પાછું વળી ને જોતાં એક જ લહેરમાં અદ્રશ્ય થાય છે ત્યારે એમ લાગે જાણે બધા દુઃખો ઢસડીને એ લઈ જાય છે.એ લહેરોનો ઘૂઘવાટ મનના કોલાહલને શાંત કરી જાય છે.
મને હંમેશાથી દરિયાકિનારો મારું બીજું ઘર લાગ્યો છે. ઘર એટલે થાકી હારીને આવો તો જ્યાં શાંતિ મળે,પ્રેમ મળે. દરિયો પણ આપે છે એક નવજીવન મારા મન ને. કયારેક હું ક્યાંય પણ ના મળું તો શોધજે મને તું એ દરિયાકિનારે.. હું મળીશ તને રેતીમાં ઘર બનાવતો,પગલાં પાડતો ને પછી દરિયાને અનિમેષ નિહાળતો...
પહેલો પ્રેમ છે મારા જીવનનો .. મારો એ દરિયાકિનારો .. જ્યારે જ્યારે મૂંઝાઈ જાઉ છું એની પાસે માંગુ છું જવાબ મારાં અઢળક પ્રશ્નોના..ને એ મૌન રહીને પણ બધું જ કહી જાય છે.
