ખુશ છું....ખુશ છું....ખુશ છું ..
બસ દેખાવાના જ પ્રયત્નો...
અનુભવવા ની દરકાર કરી છે ક્યારેય?
મંજિલ ની ચાહતમાં ઘેલા જ બની ગયા...
દોડતા દોડતા ક્યાંય ધકેલાઈ ગયા...
રસ્તા ની સુંદરતા માણી છે ક્યારેય?
સારા ખરાબ ની તુલના માં ત્રાજવું જ બની ગયા...
સ્વીકાર કરવાની આવડત વીસરી રહી છે...
સમર્પણની ભાવના માણી છે ક્યારેય?આ કરવું છે,પેલું કરવું છે,વ્યસ્ત રહેવું છે...
પણ મસ્ત બનવું ભૂલી ગયા છીએ ...
નવરાશ ની મિજબાની માણી છે ક્યારેય?
વિચારો ઘણા આડા ને અવળા વમળો જેવા...
ભરમાવે એવા ને શરમાવે એવા...
હૃદય ની વાત મક્કમ પણે સાંભળી છે ક્યારેય?
ઘણું જીવ્યા પણ કેવું જીવ્યા...
બીજા ને દેખાડવા જ જીવ્યા...
મન ને ગમે એવું જીવ્યા છીએ ક્યારેય?
પ્રશ્નો ઘણા મળ્યા,જવાબો થોડાક જ
સ્પષ્ટ અસ્પષ્ટ અવાજો ઘણા પણ
અંતર ના અવકાશ ને મળ્યા છો ક્યારેય?
Tru...