બહેન.....
મમ્મી-પપ્પાની માર પડે ત્યારે બેન બચાવી લે છે.
ઝઘડે મિત્રો જયારે ત્યારે બેન બચાવી લે છે.
બા બીમાર હોય તેવે વખતે બા બની જાય છે.
ભાઈ ને ભાવતું ખાવું હોય તો બેન બનાવી દે છે.
કપડાં ખરીદીમાં આ ગમશે,આ નહીં ગમે તને !
ઓછા ખર્ચે વધુ સારું બેન ખરીદાવી દે છે.
રાત પડે ભાઈ ઘેર આવે ના,મિસકોલ મારી દે છે.
થોડું જમે તો શું થયું? સોગંદ દઈ વધુ પીરસી દે છે.
બેન ઘરમાં હોય ના તો, ખૂણા ખુંદી વળે છે ઘરના.
ભાઈનો પ્યાર પવિત્ર જોઈ બેન હરખે હસી દે છે.
મા વગર નું ઘર અને બેન વગરનું આંગણું!
દરેક સમયે એકલતાનો અહેસાસ કરાવી દે છે.
વિવાહ વખતે વિદાય લેતી બેનનો ખભો તું છે !
તું રડીને હસાવતી તારી વિદાય મને રડાવી દે છે.
- वात्त्सल्य
