આયો છે અવસર તો વધાવી લઈએ;
ના રાખી બાકી કસર મનાવી લઈએ;
છે જે પણ અરમાન આપણા મનના,
દિલ ખોલીને આજ જતાવી લઈએ;
કરી કંકુ સાથિયા, બાંધી હાર તોરણ,
સાજ શણગારે મન સજાવી લઈએ;
આ સપરમા દિવસે છોડી બધાં દુઃખ,
ચિંતા ફિકરને સુખમાં ખપાવી લઈએ;
આજે આવ્યો છે તહેવાર મિત્રતાનો,
પ્રેમ સંગ લાગણીને'ય વહાવી લઈએ;
કર્યા હોય કે ના કર્યા હોય જે વાયદા,
એ બધા એક સાથે નિભાવી લઈએ;
જૂના - નવા સર્વે મિત્રો સાથે મળીને,
ચાલને આજ ફરી ધૂમ મચાવી લઈએ;
...✍️વિનોદ. મો. સોલંકી "વ્યોમ"
GETCO (GEB)
