તારી સંગ વિતાવેલા એ દિવસોમાં સરી પડ્યો,
આજે ફરી હું તને યાદ કરીને રડી પડ્યો,
ગઈ રાતે આવ્યું મને એક અદ્ભૂત સ્વપ્નું,
કે, તને સામે જોતાં જ તારી બાહોમાં ઢળી પડ્યો,
મને શું ખબર, તારી યાદ આટલી આવશે!
લાગ્યું જાણે બ્રહ્માંડમાંથી
કોઈ તારો ખરી પડ્યો.
પછી યાદ આવી તે આપેલી એક નિશાની,
બેબાકળો બની એ તસવીર શોધવા વળી પડ્યો,
જ્યારે મેં જોયો તારો એ હસતો ચહેરો,
તારી સંગ વિતાવેલા એ દિવસોમાં સરી પડ્યો..
