આજ ઘરના દરવાજે કોઇ ટકોરા લગાવી ગ્યું;
ધરની સાથે સાથે દિલના દ્વાર ખખડાવી ગ્યું;
ઘરના ઉંબરે ઊભા રહી જોવું સનમની વાટ,
એક આહટ સાંભળી પગ ઉંબરો વટાવી ગ્યું;
ધડકતા બેચેન હૃદયે એને મળવા મૂકી મેં દોટ,
એક અજનબી પડછાયો દિલ ભરમાવી ગ્યું;
નિરાશ વદને વળ્યો પાછો જ્યાં હું ઘર તરફ,
ત્યાં જાણીતો નાદ મારૂં આ દિલ થંભાવી ગ્યું;
પાછળથી વળગીને એણે ભર્યો આલિંગનમાં,
મધુર એ મિલન ખુશીથી આંખ છલકાવી ગ્યું;
ઘડી મિલનની હતી એ પળ બે પળની પણ,
જતાં જતાં મહોબ્બતનો સાર સમજાવી ગ્યું;
એ હતી હકીકત કે હતી એ ભ્રમણા "વ્યોમ"
એ ઘટના હૃદયમાં એક ગઝલ પ્રગટાવી ગ્યું;
...✍️વિનોદ. મો. સોલંકી "વ્યોમ"
GETCO (GEB)
