વરસતા વરસાદની મોજ, અંદરથી માણી રહ્યો છું;
આ વરસાદની બૂંદ બૂંદને, અંતરથી ઝીલી રહ્યો છું;
વરસાદમાં ભીંજાયેલી સુંદરીનો પાલવ શું લહેરાયો
મને લાગ્યું જાણે કે કોઈ, સમંદરથી ભીડી રહ્યો છું;
એ પાલવના આવરણથી, ગોરો ચહેરો એવો દેખાયો,
જાણે ચાંદને વાદળ વચ્ચે, અંબરથી નિરખી રહ્યો છું;
પછી, સ્પર્શ એમની નજરનો કંઇક એવો મને થયો છે,
બહારથી થયો છું લીલો, ને ભીતરથી ખીલી રહ્યો છું;
એના ભીંજાયેલા દેહની ખુશ્બુ જ કંઇક એવી છે કે,
હું એના મહેકતા શ્વાસના અત્તરથી મહેકી રહ્યો છું;
આ દિલ પણ મારૂં બન્યું છે બેબાકળું હવે તો "વ્યોમ"
પ્રેમથી મનાવું દિલને કે કોઇ મંતરથી વિચારી રહ્યો છું;
...✍️વિનોદ. મો. સોલંકી "વ્યોમ"
GETCO (GEB)
