" જે કે'વું હોય તે કઈ શકો "
કાળો-ધોળો, મેલો-ઘેલો, જે કે'વું હોય તે કઈ શકો;
પણ નથી હું મનનો મેલો, જે કે'વું હોય તે કઈ શકો;
જેટલી જેની જરૂરત એટલો કર્યો છે ઉપયોગ મારો,
છતાં ન દિધો મેં હડસેલો, જે કે'વું હોય તે કઈ શકો;
આવ્યા છે આડા પોતાના જ હર વખતે હર કામમાં,
પણ હું નથી કોઈને નડેલો, જે કે'વું હોય તે કઈ શકો;
જેવું જે કરે એવું તે ભરે, કુદરતનો છે નિયમ, એટલે,
ઉઘાડો રાખ્યો ઘરનો ડેલો, જે કે'વું હોય તે કઈ શકો;
છૂપાવે પણ પાપ નથી છૂપાતું, આ કર્મનો છે સિદ્ધાંત,
ફાટશે જરૂર પાપનો થેલો, જે કે'વું હોય તે કઈ શકો;
કરવા દેને "વ્યોમ" કાવાદાવા જેટલા થાય એમનાથી,
પણ હશે વાર તારો છેલ્લો, જે કે'વું હોય તે કઈ શકો;
...✍️વિનોદ. મો. સોલંકી "વ્યોમ"
GETCO (GEB)
