" તમે ક્યારે આવશો?"
આંખો પાથરી છે રાહમાં તમારી, તમે ક્યારે આવશો?
પ્રાણ ના નિકળે ચાહમાં તમારી, તમે ક્યારે આવશો?
તમારા સમણાંના ઇંતેજારમાં બદલતો રહ્યો પડખાં,
રાત ગૈ નિકળી જાગમાં તમારી, તમે ક્યારે આવશો?
રાખું છું તમારી ઝલક મારી હર ગઝલ ને શાયરીમાં,
હરખાઉં છું વાહ વાહમાં તમારી, તમે ક્યારે આવશો?
તમારી યાદોના સાગરમાં તરતો રહ્યો બની પરપોટો,
વહૂં છું હું સદા પ્રવાહમાં તમારી, તમે ક્યારે આવશો?
બેચેન થઇ જાઉં જ્યારે સંભળાય જાણીતી આહટ,
રાખું છું હું નજર વાટમાં તમારી, તમે ક્યારે આવશો?
મૂખેથી ભલે તમે કાંઇ પણ ન કહો પ્રિયે, પણ"વ્યોમ"
જોયો છે પ્રેમ આંખમાં તમારી, તમે ક્યારે આવશો?
...✍️વિનોદ. મો. સોલંકી "વ્યોમ"
GETCO (GEB)
