ન જોઈતી એ પળમાં પળ વિષેની વાત કરવી છે,
પછી ઊંડાને ઊંડા તળ વિષેની વાત કરવી છે.
વિચારી લે આ આંસુ છે નહીં માને જરા તારું
છતાં લે આવ તારે જળ વિષેની વાત કરવી છે.
નિરાશામાં ય આશા રાખતા કર્મો કરીએ ને,
અચાનક આમ મળતાં ફળની વાત કરવી છે.
સુવાસિત થાય ધરતીને ગગન એ પારિજાતોથી,
અને એ અધ ખુલેલા દળ વિષેની વાત કરવી છે.
ઘણી અઘરી છે તું હોં જિંદગી તો પણ કહું છું કે
નથી વળતી જે કળ એ કળ વિષેની વાત કરવી છે.
અર્ચના🌺
