પ્રેમ એટલે શું ?
ખબર તો પહેલાં પણ નહોતી,
અને અત્યારે પણ નથી.
એક અનુભૂતિ જે કદાચ સ્વર્ગથી પણ સુંદર...
એક યાતના જે કારવાસથી પણ બદતર...
સમયના ચડાવ-ઉતાર સાથે મજબૂત થતી હાથની એ પકડ...
સમયના બદલાવ સાથે સતત ઝાંખી થતી એક અકડ...
એકલવાયા કોઈ પંખીને શીખવાડવામાં આવતું ગીત..
એકલવાયા પંખીને પીંખીને માણવામાં આવતું સંગીત...
સતત એકની જ ઝંખના સાથે પુરી થતી એક ઇચ્છા...
સતત અધુરપની ખોટ સાથે બદલાતી એક મહેચ્છા...
વિશ્વાસની સાર્થક થતી એક પરિભાષા...
વિશ્વાસના નામે છેતરાતી એક અભિલાષા...
હૈયેથી હોઠ સુધી, સ્વપ્ન થઈ આંખ સુધી...
ધારદાર ખંજર એક નજરથી પાંખ સુધી...
ઉડતું એક પારેવું ક્લબલાહટ એના થકી...
તરફડતું પારેવું લોહીયાળ કોના થકી...
બદલાતું એક વહેણ, સાનિધ્યની એક લાગણી...
બદલાતું એજ વહેણ, સાથની ફક્ત માંગણી...
સમયનું સરવૈયું જો નીકળે,
તો એટલું તો હવે કહી શકાય છે...
હોય જો હયાતી પડછાયાની,
એના વગર પણ એકલું રહી શકાય છે.
આંસુડે એક પારેવાના,
ખોબલે-ખોબલે ઉભર્યાં છે નીર, Nidhi
અણધાર્યા ઝખ્મોની વણઝારે આજે, હૈયાની ચીરફાડ પણ સહી શકાય છે.
