શું હોય દરિયો?
અનંત ખારું જળ જ ને !
શું હોય એની પાસે?
જન્મીને તરત મૃત્યુ પામતી લહેરો !
ભીંજાઈનેય ભીંજાવા મથતો આરો !
કો'ક જીવનાં આંસુનાં મોતી !
ભક્ષક જીવો ને પેટમાં અનલ...
ન તરસ છીપાવે
ન જીવ સંઘરે
અમાપ, નકામી ઊછળકૂદનું ઉદાહરણ
એટલે દરિયો.
મારી કડવી ખારાશમાં એ મીઠો ઝરો
મારી ઘેઘૂર લહેરોમાં એની તડપ
મારા સૂકા કિનારે એનો વિસામો
મારી ખાલી આંખમાં એ, જાણે અમર મણિ
મારા ધધગતા આત્માનલનું એ આકાશ
એની ચંચળ તરસને મારા અધરનું મધભર્યું આભાસી ચુંબન
એનું હોવું એટલે મારું અસ્તિત્વ હયાત હોવું
મારી ધૃષ્ટ, નાદાનીઓનો એ જવાબ
હું એનો દરિયો છું...
--નિર્મોહી
