બધા જ રાહ જોઈ રહ્યા હતાઃ, આજે સાંજે સિક્રેટ શરદ પૂનમની ગેમ માં કંઇક ધડાકો થશે.
સ્કૂલ થી કૉલેજ સુધી છેલ્લા ૧૦ વર્ષ થી ૫ છોકરીઓ અને ૭ છોકરાઓ નું ગ્રુપ મસ્ત બનેલું. કાયમ જોડે ને જોડે ! છાયા ને વાચાળ વરુણ અને શરમાળ સૌમિલ બંને ગમતાં. આજે તો સિક્રેટ માં જેની ચિઠ્ઠી નીકળે અને પ્રપોઝ કરે, એને જ હા પાડી દઉં.
સાંજે ગેમ માં એને બે ચિઠ્ઠી મળી. એક માં લખેલું, મને ખબર છે કે તું મારા સિવાય બીજા કોઈ ને ચાહી ના શકે. તારી પર બસ મારો જ હક છે. લવ યુ બેબી ! બીજા માં લખેલું , હંમેશ તને સુખી રાખીશ, મને સાથ આપશે ?
છાયાઅે વરુણ ની પહેલી ચિઠ્ઠી ફાડી નાખી .કોઈ ફોર્સ કેમનો કરે કે હક કેમ જતાવે ? સૌમિલ નો સાલસ પ્રેમ જીતી ગયો.
ઉપર આકાશ માં શરદ પૂનમ નો શરમાળ ચાંદ પોતાના વિજય પર મીઠું મીઠું મરકી રહ્યો અને સૌમિલ છાયા વરસાવી રહ્યો.
