મારી ઝંખનાનું બીજ
રોજ પલ્લવિત બને
ધીમે ધીમે વૃક્ષ બની
વિસ્તરતું જાય
વસંત માણે
પાનખરને માણે
કહો પછી હું
ૠતુપલટા કે
સમયની અવધિ
કેવી રીતે જાણું?
વિમાસણ છે
મનને. બહુ...બહુ
કે હું કોને ચાહું?
તને કે શમણાને?
શમણું જ તું થકી
અને તું જ શમણામાં
હો....જયાં!
મારી
બરબાદીની
યાદીમાં
ભાગીદારીમાં
મોખરે હતાઃ
હ્રદય
નજર
ભરોસો!
.....
રાધાને કાન
બેઉની સંધિમાં
કયાંય મીરાંનું નામ નહિ
રામ ને સીતા
દ્વન્દ્વ સમાસમાં
શબરીનું નામ કયાંય નહિ
ભલે આયખુ એની પાછળ ઝૂરી
