पावसाने हाक दिली
मनाने प्रतिसाद दिला
भिजूया पावसाच्या सरीत
ओलंचिंब होऊया!
पावसाचे थेंब पडतील अंगावर
कारूण्य सारं पडेल ओघळून धरेवरःः
प्रसन्न मनाने पाऊसगाणं गाऊया
ओलंचिंब होऊया!
पाऊस पडत होता बाहेर
पण तू आत कोरडाच
मी मात्र चिंब भिजले
पाऊसपाऊल उमटलं रस्त्यात!
त्याच पावलावर पाऊल ठेवून
वाटलं यावं पुढे पुढे
जिथे तू होतास आणि
अस्तित्व तुझं मला सापडे
पण थांबलं माझं पाऊल
ओला ठसा उमटवलेलं
मनातल्या तुझ्या रूपाला
मी मनानेच भिजवलं!
