વવાઝોડું ... ?
આવશે વાવાઝોડું ... આવશે વાવાઝોડું ... ઢંઢેરો પીટતો મિથુન સાઇકલ લઈને નીકળો તો . મિથુન એટલે રોજ સવારે આખી સોસાયટી ચોખ્ખી કરે અને મહિને બંધાવેલા ગ્રાહકના બાઈક - કાર સાફ કરે .. પ્રિય બધાનો પણ આજે બધા તેને નફરતથી જોઈ રહ્યા હતા કેમ કે આખીય સોસાયટીના લોકો પ્રાર્થના કરતા હતા કે આ વાવાઝોડું ના આવે બસ ... પણ અહીં મિથુન તો !!! કરશનકાકા પૂછે છે કેમ ભાઈ મિથુન આવો ઢંઢેરો ?? નિખાલતાથી કહે છે મિથુન કે , કાકા આ વાવાઝોડું કેટલુ સારું કહેવાય , મારા જેવા ગરીબ માણસને કેટલાય શેઠ લોકો રાશન આપી ગયા ....
કરશનકાકાને પોતાની જિંદગીનું વાવાઝોડું યાદ આવી ગયુ , જ્યારે એ તકલીફમાં હતા . રમીલા , એની પત્ની કેન્સર રોગ થઈ ગયો હતો અને સતત 1 મહિનો હોસ્પિટલમાં દાખલ રહી પછી એ ગુજરી ગઈ .... દવાખાનામાં રોજ બે ટંક જમવાનું આપવા આવતા મધુબા અને છોકરાઓને સાચવતા ઘરે તેમજ આ ખર્ચા એટલા થતા કે ના પૂછો વાત અને રમીલા છોડીને ચાલી ગઈ માથે દેવાળું અને મદદમાં આવ્યા તા બે - પાંચ અંગત ....
( વાવાઝોડું ,આમ તો બૌ સારું ... )
કરશનકાકા પણ ઢંઢેરો પીટવા લાગે છે આવશે વાવાઝોડું ... આવશે વાવાઝોડું ...
- યશ સોમૈયા ✍
આવાઝ
