*- બાપુભાઈ ગઢવી*



રડ્યા ‘બેફામ’ સૌ મારા મરણ પર એજ કારણથી,

હતો મારો જ એ અવસર ને મારી હાજરી નહોતી.

*- બરકત વિરાણી ‘બેફામ’*



તફાવત એ જ છે,તારા અને મારા વિષે, જાહિદ!

વિચારીને તું જીવે છે, હું જીવીને વિચારું છું

*- અમૃત ઘાયલ*



જીવનની સમી સાંજે મારે જખ્મોની યાદી જોવી’તી,

બહુ ઓછાં પાનાં જોઈ શકયો બહુ અંગત અંગત નામ હતાં.

*- સૅફ પાલનપુરી*



તું કહે છે અશ્રુ ચાલ્યા જાય છે,

હું કહું છું જિંદગી ધોવાય છે.

*– શયદા*



વતનની ધૂળથી માથુ ભરી લઉં ‘આદિલ’,

અરે આ ધૂળ પછી ઉમ્રભર મળે ન મળે.

*- આદિલ મન્સૂરી*



બસ, દુર્દશાનો એટલો આભાર હોય છે,

જેને મળું છું, મુજથી સમજદાર હોય છે.

*- મરીઝ*



જિંદગીના રસને પીવામાં કરો જલ્દી ‘મરીઝ’,

એક તો ઓછી મદિરા છે, ને ગળતું જામ છે.

*- મરીઝ*



સમયની શોધ થઈ તેની આગલી સાંજે

મેં ઈંતજારને શોધ્યો હતો ખબર છે તને?

*- મુકુલ ચોક્સી*



હસ્તરેખા જોઈને સૂરજની કૂકડાએ કહ્યું,

આપના પ્રારબ્ધમાં બહુ ચડ-ઉતર દેખાય છે.

*- ઉદયન ઠક્કર*



મોત વેળાની આ ઐયાશી નથી ગમતી ‘મરીઝ’,

હું પથારી પર રહું ને આખું ઘર જાગ્યા કરે.

*– મરીઝ*......
.......
...........
...............

Gujarati Hiku by Chavda Girimalsinh Giri : 111058191

The best sellers write on Matrubharti, do you?

Start Writing Now