કવિતા - પ્રેમ
એક ડોસો ,ડોસીને પ્રેમ કરે ,
શરમાઈ જુવાનિયા એમ કરે ,
જતી ઉંમરે વળી વહેમ કરે ,
ડોસી પૂછે , તું કેમ એમ કરે ?...
ચશ્માં માંથી આંખો મારે ,
ગાલે હળવો લાફો મારે ,
દીદાર ડોસી નો સતત ઝંખતો ,
જો રસોડામાં આંટો મારે ....
ચોકઠું પહેરી ચીંગમ ચાવે ,
ગળે રેશમી રૂમાલ લટકાવે ,
પૂછતો રહેતો , જોઈ ડોસી ને ,
ચાલ , ફરી તું ખંડાલા આવે ?...
એકલતામાં હાથ પકડતો ,
વારે વારે અડતો રહેતો ,
તસ્વીર જોઈ તે ડોસીની ,
હવે ક્યારે મળશું એમ કહે ..
એક ડોસો ,ડોસીને પ્રેમ કરે ,
શરમાઈ જુવાનિયા એમ કરે ..
-------અનિર્ણિત
#કાવ્યોત્સવ #kavyotsav