The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
બીજી વ્યક્તિને ગુમાવી દેશો, એ વાત થી ક્યારેય ડરશો નહિ. પણ,દરેક વ્યક્તિને ખુશ રાખતાં રાખતાં ક્યાંક પોતાની જાતને ગુમાવી ના લો , એ વાતથી ચોક્કસ ડરજો. Noone is more important than self❤️. -@nugami
એક રાત છે વિતાવવી, એ પણ અઢળક સ્નેહ નીતરતી. ચારેકોર ચાંદની ને, એમાંય આપણા બંનેની મેદની. આંખોથી વાતો જો ના ફાવે તને તો, હું કરું કંઈક કથની. તું લાવ સાંભળવાનું ધૈર્ય ને, અખૂટ ખજાનો વાતોનો હું લઇ આવુ, ને બસ આમ જ સહેજેય, થોડો તું રાજી ને અઢળક હું હરખાઉં. -@nugami.
બધાને બધું જ કહેવું, સહેલું નથી હોતું, સમયનાં વહેણ સાથે ચાલવું, કદાચ વહેલું નથી હોતું. મોડાં મોડાં પણ જીવવાનું શરૂ કરવું, સહેલું નથી હોતું, દુઃખનાં મધદરિયે પહોંચીને પણ જો તરતાં આવડી જાય, તો સુખ મ્હાલવું વેવલું નથી હોતું. -@nugami💙
ઘડતર એટલે આપણને મળેલ કુદરતી માનસિક અને દૈહિક ઘરમાં તડ ના પડવી જોઈએ. -@nugami ❤️
કેટલું બચી બચીને જીવીશ, થોડી વપરાઈ જા ને, નીચોવી નીચોવીને કેટલો કસ કાઢીશ, જે રસ ભેગો થ્યો એ પીને ધરપાઈ જા ને, ખબર છે મને તારા નખરાં ઓ જિંદગી, અણગમતા રંગ આપ્યા છે તે મને, હવે તો થોડી શરમાઈ જા ને. -@nugami
દેહમાં ફસાયેલી, મનનાં વિકાસને રૂંધાવનારી, આખો દિવસ શરીર શણગારવાની, વાળ લાંબા જાડા કરવાની, ધોળા થવાની, બીજાની સરખામણી કરવાની, બીજાને પોતાનાં શરીરનાં દેખાવને જજ કરવાની, આ બધી દેહને લગતી પરીકથાઓમાંથી બહાર આવી, જીવનને અનુસંધાને વાત કરતાં શીખવી જોઈએ. શરીર સ્વસ્થ રહે એ માટે પૂરતો ખોરાક, સ્વસ્થ મન જરૂરી છે, બીજાનાં જજમેન્ટથી પોતાને મળેલું શરીર બદલાઈ જવાનુ નથી. કે નથી અમર થવાનું. માટી છે માટી રહેવાનું. પણ જ્યાં સુધી આ માટી જીવિત છે,ત્યાં સુધી પોતાનાં માનસિકવિકાસને રૂંધાવનારું કામ આપણે પોતે કરવાનું બંધ કરીએ. ઘણાં સમયથી હું એક બેઠક થાય સ્ત્રીઓની ત્યાં હું કયારેય જતી નથી,તો વિચાર્યું આજે શ્રાવણીયો સોમવાર હતો સવારની સ્કૂલ હતી તો ત્યાં જાઉં. માટે , ત્યાં હું "પરિપકવતા" પુસ્તક લઈને ગઇ'તી અને વિચાર્યું કે એ પુસ્તકમાંથી સારી વાતો એમને કહીશ. બધી જ સ્ત્રીઓ 35- 40 ની આજુ બાજુની એટલે મને થયું એમને પણ મજા આવશે પણ હું કંઈ બોલું એ પહેલાં કે, "આ બધું કંઈ નથી સાંભળવું." મેં કીધું કંઈ વાંધો નહિ. આજે હું તમને સાંભળું અને એમની વાતો એટલે બસ શરીરને શણગારવાની જ વાતો હોય, "મારું પેઢું ફૂલી ગયું" " મને ખીલ થયા" ,"મે તો બાળકને જન્મ આપ્યો પછી મારું શરીર ઢોલ થઇ ગયું." "તું તો કેટલી કાળી છે." "તારા હાથ કેટલા જાડા છે, તું વેક્સ કરાવતી હોય તો?તારા ઘરવાળાને કેમની ગમે તું?" "અલી નવરાઇ જ નથી મળતી ફેશ્યિલ કરાવવાની." આ બધું સાંભળી એકબીજાને શરીરના દેખાવ પ્રમાણે કાપતી કરીને મનને સંતોષનારી સ્ત્રીઓને જોઈ, મને રઘવા ઉપડ્યો, અને હું પાછી આવી. કુદરતે દેહ આપ્યો છે એ કેવો છે એ બધાને દેખાય છે, પણ સાથે એક સુંદર મન પણ આપ્યું છે, શા માટે તેઓ એના તરફ જોવાનું પણ ઈચ્છતા નથી? Get real, Talk real. -@nugami
અંતરના ઓરતાંને મળે ઓટલા કે, મળે દિલાસાનાં પોટલાં, હવે મને ફેર નથી પડતો. ક્યાંક નજીવું જીવાય ને, ક્યાંક જીવ ઢગલો થઇ જાય, હવે મને ફેર નથી પડતો. ખુલ્લી આંખે ક્યાંક સપના જોવાય,તો ક્યાંક બંધ આંખે જીવન જીવાય, હવે મને ફેર નથી પડતો. આ રસ્તો છે મુસાફરીનો, મન થાય તો ક્યાંક રોકાઈ જવાય.હવે મને ફેર નથી પડતો. -@nugami
જે ચારેબાજુથી હેરાન પરેશાન હોય, ભીતર કઈંક કણસતું હોય, જીવન વેરવિખેર પડ્યું હોય, કંઈ જ સૂજતું ના હોય, કોઈ પાસે કઈંજ અપેક્ષાઓ બાકી રહી ના હોય, જીવન ગુમડાની જેમ પાકી ગયું હોય, અને છતાંય એ વ્યક્તિના મોઢા પર હાસ્યની રેખાઓ પડતી હોય, ત્યારે જિંદગીને પોતાને એ વ્યક્તિ પર ફિદા થઇ જવાનું મન થઇ જતું હોય છે.❤️ -@nugami
હ્દયનાં દરેક ધબકારે જીવનને અનુભવવું, એ ત્યારે જ શક્ય બને છે, જયારે ફક્ત ઉંમર વિતાવવાનું નહિ, પણ જીવંત રહેવાનું વ્યક્તિ નક્કી કરે છે. -@nugami
આજે ગુરુપૂર્ણિમા દિવસ. સંકલ્પ લેવો, આ કળિયુગમાં પોતાનાં ગુરુ પોતે જ બનો. ઉદ્ધાર ભીતરથી થાય છે. અને પોતાનાથી અધિક જાતને કોઈ નથી ઓળખતું. સારા છીએ કે ખરાબ. બધું ભીતર જમા રહે છે. પ્રકૃતિ માટી ભેગા થઈશું ત્યારે સાથે જાય છે. બુદ્ધ કહી ગયા છે, "વ્યક્તિને પોતાની જાત સિવાય કોઈ ઊગારી શકતું નથી, જ્યાં સુધી એ ધારે નહિ ત્યાં સુધી." -@nugami💙
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
