મુખડાની માયા લાગી રે,
મોહન પ્યારા ꠶ટેક
મુખડું મેં જોયું તારું,
સર્વ જગ થયું ખારું;
મન મારું રહ્યું ન્યારું રે... મોહન꠶ ૧
સંસારીનું સુખ એવું,
ઝાંઝવાનાં નીર જેવું;
તેને તુચ્છ કરી ફરીએ
રે... મોહન꠶
સંસારીનું સુખ કાચું,
પરણીને રંડાવું પાછું;
તેવા ઘેર શીદ જઈએ
રે... મોહન꠶ ૩
પરણી હું પ્રીતમ પ્યારો,
અખંડ સૌભાગ્ય મારો;
રાંડવાનો ભય ટાર્યો રે... મોહન꠶
મીરાંબાઈ બલિહારી,
જે આશા મને એક તારી;
હવે હું તો બડભાગી રે... મોહન꠶ ૫
🙏🏻
- Umakant
