તિથિ આજની ભાદરવા સુદ ચોથ.
શરુ થયો આજથી ઉત્સવ બાપ્પાનો.
સર્જક સમૃદ્ધિના આ ગણેશજી,
પ્રથમ પૂજ્ય એ કહેવાય.
બુદ્ધિના દાતા આ ગજાનન.
રિદ્ધિ સિદ્ધિ સહિત બિરાજતા,
સૌનાં હ્રદયમાં એ વસતા.
આપતા સંદેશ અગણિત,
શરીરનું એક એક અંગ એમનું,
આપતું જીવન જીવવાનો સંદેશ.
સંગમ આજે અનોખો એવો,
ગણેશ ચતુર્થી સાથે સંવત્સરીનો.
સંદેશ બંને તહેવારોનો એક જ,
માફી માંગી સાચવી લઈએ સંબંધો,
જરુર જણાય ત્યાં નમી જઈએ,
જરુર જણાય ત્યાં કરીએ સમાધાન!
વંદન કરી માંગું માફી બાપ્પાની,
ભૂલચૂક દેવા કરજો માફ, સમજી નાનું બાળ
- Tr. Mrs. Snehal Jani
