સુહાની રડતી રડતી મકાનનાં એક ખુણામાં પોતાના ભૂતકાળની યાદોને વાગોળી રહી હતી.
સોહમ લગ્ન પહેલા સુહાની ને શહેરની ફેમસ વાડીલાલ ની આઈસ્ક્રીમ ખાવા લઈ જતો જ્યાં બન્ને વેનિલા ફ્લેવર્સનો આઈસ્ક્રીમ મંગાવતા અને એક જ ચમચી થી પરસ્પર ખાતાં ત્યારે સુહાની કહેતી કે આપણા મેરેજ થશે પછી હું તને જે અત્યારે આપણે આઈસ્ક્રીમ ખાઈ રહ્યા છે તે ઘરે જ બનાવી ખવડાવીશ.
મને પણ સારો આઈસ્ક્રીમ બનાવતા આવડે છે સોહમ કહે ચોક્કસ તારાં હાથથી બનાવેલ હશે તો બધું જ ખાઈ જઈશ.
આજે સુહાની સોહમનો બર્થડે હતો તો ખુશીથી તેને ગમતો વેનિલા ફ્લેવર્સનો આઈસ્ક્રીમ બનાવી રાખ્યો હતો. સાંજે સોહમ ઘરે આવશે ત્યારે સાથે આઈસ્ક્રીમ ખાઈને જન્મ દિવસ ઉજવીશું.
સુહાની રાહ જોતી જોતી જ સુઈ ગઈ. રાત્રે બાર વાગ્યાની આસપાસ સોહમે ડોર બેલ માર્યો તો સુહાની ની આંખ ખુલી તેને દરવાજો ખોલ્યો તો સોહમ ખુબ જ દારૂ પીને આવ્યો હતો.સુહાનીએ તેને પકડવાનો પ્રયત્ન કર્યો પણ તેને સુહાની ને ધક્કો મારી દૂર હડસેલી દીધી અને પોતે સોફા પર ફસડાઈ પડ્યો સુહાની એ તેને જગાડવા ઘણો જ પ્રયત્ન કર્યો પણ સોહમ ઉઠવાની હાલતમાં જ ના હતાં.
સુહાની ની ઇરછાઓ ઉપર તો રીતસરનું દારૂ ને કારણે પાણી જ ફરી ગયું સાથોસાથ પેલો સાથે ખાધેલો આઈસ્ક્રીમ પણ ધીરે ધીરે ઓગળવા લાગ્યો હતો.
