એવી વ્યક્તિને તમેં પ્રેમ કરો જે તમારા શરીર કરતાં તમને વધારે ચાહતી હોય.તમારા સુખે એ દૂર અને દુઃખે એ નજીક હોય.તમારી હરપળ ખબર લેતી હોય.જેના પ્રેમમાં છેતરામણું સાવરણીની સળીની અણી જેટલી ગેર વર્તણુક તમારા પ્રત્યે હોય જ નહીં.એને ક્યારેય તમારાથી દૂર ન કરતાં.એને દૂર કરવાથી ખુદ તમે દુઃખી દુઃખી થઇ જશો.એના નિશાસા તમને લાગે તો ક્યારેય સુખ નહીં ભાળો.તમેં જેને ગુસ્સે થાઓ છો,છતાં તમારા પર કરુણા રાખે છે.તમેં બીમાર હો ત્યારે એ સતત તમારી સાથે હોય છે.ચાહે નજીક હોય કે દૂર હોય.જેની તમેં કદર કરતાં નથી પરંતુ તે તમારી કદર કરે છે.આ જગતમાં સાંભળનાર ઘણા ઓછા મળશે.કમસે કમ તમને કોઈ સાંભળનાર અને સંભાળનાર કોઈ નજીક તો છે તે બઉ મોટી વાત છે.કોઈ નસીબ જોગ આવું વ્યક્તિ તમારા દિલની નજીક રહેવા માંગે છે,પણ તમને તેના પ્રત્યે ઘૃણા હોય તો બેશક કાઢી નાખજો.આ સમયમાં સગો કોઈ નજીક ન હોય ત્યારે તમારો ચાહનાર તમારી પાસે હોય છે.આથી મોટી કઈ ગિફ્ટ હોઈ શકે?
- વાત્ત્સલ્ય
