માણસનો મોટામાં મોટો કોઈ (દુશ્મન) વિલન હોય તો એની અંદર નો ડર છે, જિંદગીમાં મળતા અનુભવો ઘટના અને પરિસ્થિતિઓ આપણા કામ અને આપણા વિચારો ઉપર અસર કરે છે.. ત્યારે ખોટી માન્યતાઓ, અભિપ્રાયો, વહેમ અને ચિંતા જે વ્યક્તિને નિષ્ફળ બનાવે છે, અને આપસી સંબંધોમાં પણ તિરાડ પાડે છે, ત્યારે વ્યકતિની જીંદગીમાં હડકંપ મચી જાય છે. અને એની સીધી અસર તેના શરીર પર પડે છે.
દરેક વ્યક્તિની બે બાજુઓ હોય છે, એક પોઝિટિવ અને એક નેગેટિવ .. એવી જ રીતે દરેક પોઝિટિવ વ્યક્તિમાં પણ કોઈ ને કોઈ નેગેટિવ બાજુ હોય છે, પણ એ ફક્ત ને ફક્ત એને પોતે જ અથવા તો એના અંતર મન સિવાય બીજું કોઈ જાણી શકતું નથી.
કલ્પનામાં થતી ડર ની અનુભૂતિથી અર્ધ જાગૃત મનમાં તેનો વિકાસ થાય છે, જે આપણા મનમાં ઊંડી અસર કરે છે, અને સાથે સાથે તમારી આસપાસની દુનિયામાં પણ તેની અસર થાય છે.
આપણે જન્મ સમયે બિલકુલ કોરી પાટી જેવા હોઈએ છીએ, પરંતુ જેમ જેમ મોટા થઈએ તેમ તેમ પરિસ્થિતિ, સમય, સંજોગ ને કારણે અથવા તો એવા કોઈ કડવા અનુભવ કે ઘટનાને કારણે ડર આપણા ભીતર પ્રવેશી જાય છે.
પણ.. પણ.. આપણું ચારિત્ર, આપણું મન આપણી શ્રધ્ધા અને આપણો વિશ્વાસ ખૂબ જ અનમોલ છે. એને ડર નામનાં વિલનને સમર્પણ નહીં કરતાં. પોતાનાં ડર પર વિજય મેળવી પોતાના લક્ષ્યને પામવાની કોશિશ જરૂર કરવી જોઈએ.
નવા આવકારને, નવા પ્રતિકારને આવકારી રોજ કંઈક ને કંઈક નવું શીખવાનો પ્રયત્ન મક્કમ પણે કરવો જોઈએ.
વળી, આપણે આ દુનિયામાં ઈશ્વરીય રંગમંચ ના કલાકાર છીએ.. આપણે ઈશ્વરીય અંશ છે. અને આપણે આપણો કિરદાર ઈમાનદારીથી નિભાવો જોઈએ. કહેવત છે મનથી માને જીત અને મનથી માને હાર. ભીંતર ના ઉજાસને ઝગમગાવી ડરના તમસ ને દૂર કરીએ. અને જિંદગીમાંથી ડર નામના વિલનને જડમૂળમાંથી ઉખાડી ફેંકીએ..
Fear is spoils life, and live life by own your's rules..
