Religious quotes are very popular on BitesApp with millions of authors writing small inspirational quotes in Gujarati daily and inspiring the readers, you can start writing today and fulfill your life of becoming the quotes writer or poem writer.
પ્રાર્થના -પ્રભાતીયુ ભજન
"હરી તું ગાડું મારું ક્યાં લઇ જાય"
હરી તું ગાડું મારું ક્યાં લઇ જાય કાંઇ ન જાણું
ધરમ-કરમના જોડ્યા બળદીયા ધીરજની લગામ તાણું
સુખ ને દુ:ખના પૈડા ઉપર ગાડું ચાલ્યું જાય
કદી ઉગે આશાનો સુરજ કદી અંધારુ થાય
મારી મુજને ખબર નથી કંઇ ક્યાં મારું ઠેકાણુ, કાંઇ ન જાણું
હરી તુ ગાડું મારું…
પાંપણ પટારે સપના સંઘર્યા, ઉપર મનની સાંકળ વાસી
ડગર ડગરીયા આવે નગરીયા, નાય આવે મારુ કાશી
ક્યારે વેરણ રાત વિતે ને ક્યારે વાયે વાણું, કાંઇ ન જાણું
હરી તુ ગાડું મારું…
ક્યાંથી આવું, ક્યાં જવાનું, ક્યાં મારે રહેવાનુ
અગમ-નીગમ નો ખેલ અગોચર, મનમાં મુંઝાવા નું
હરતું ફરતું શરીર તો છે પિંજર એક પુરાણું, કાંઇ ન જાણું
હરી તુ ગાડું મારું…
રચના: અજ્ઞાત
ગાયક: પ્રફુલ્લ દવે
આ ખુબજ હૃદયસ્પર્શી ગીત છે.આ ગીત ના શબ્દે શબ્દે મર્મ દ્વારા જીવન નો સાર સમજાવવામાં આવ્યો છે.કર્મ એ જ શક્તિ છે. ઈશ્વર જ માનવી નો એક માત્ર સહારો છે. ન જાણ્યું જાનકી નાથે કાલે શું થવાનું!
શ્રી કૃષ્ણ વાસુદેવાય નમઃ
