પ્રાર્થના
સૌનું કરો કલ્યાણ, દયાળુ પ્રભુ !
સૌનું કરો કલ્યાણ…
નરનારી પશુ પંખીની સાથે,
જીવજંતુંનું તમામ…દયાળુ પ્રભુ
જગના વાસી એ સૌ સુખ ભોગવે,
આનંદ આઠે ધામ …દયાળુ પ્રભુ
દુનિયામાં દર્દ- દુકાળ પડે નહિ
લડે નહિ કોઇ ગામ…દયાળુ પ્રભુ
સર્વ જગે સુખાકારી વધે ને,
વળી વધે ધનધાન…દયાળુ પ્રભુ
કોઇ કોઇનું બુરુ ન ઇચ્છે,
સૌનું ઇચ્છે સૌ સમાન…દયાળુ પ્રભુ
પોતપોતાના ધર્મ પ્રમાણે,
સર્વ ભજે ભગવાન… દયાળુ પ્રભુ
🙏🏻 🙏🏻
🙏🏻
