શેર લખું
શાયરી લખું
ગીત લખું
ગઝલ લખું
કવિતા લખું
અછાંદસ લખું
ટુંકી વાર્તા
નવલિકા કે પછી
નવલકથા અથવા મહાનિબંધ લખું...
છેક ચિંતન સીમાંત સુધી વિચાર્યું કે શું લખું ?
અંતે કંઈ ન સૂઝ્યું પછી
જાત પર હસતાં સ્વયં ને સવાલ પૂછ્યો
જો તારા વિશે લખવા માટે આટલું વિચારીને
લખવું પડે તો શા માટે લખું ?
પરસ્પરની પ્રીતિ પરિચયના પર્યાય માટે
બસ એક તારું નામ જ પર્યાપ્ત છે તો...
ફક્ત તારું નામ જ કેમ ન લખું ?
-વિજય રાવલ
૦૭/૧૨/૨૦૨૦
#kavydrishy
