પંખી એ જા માળા
જેળા જેજા કદ તેળા તેજા માળા.
ટીટોડી પાયણ કકરા ઢેફાં સે બધે માળા.
નદી નાળે, ખેતર જે પાળે,છાપરે વે માળા.
સુગ્રીવ જા માળે જા કોર કરયા વખાણ.
નાય એન વેટે કી વણકરજી વણાટ જો લખાણ.
કડેક વાય તે, કડેક ખારક તે, કડેક વહીધલ નાય જે કધે જે બાવર તે.
કબુતર, ગીધ ,બગલા, ને કાબર જા કખ કંઢે વારા વે માળા.
જેરકલી, દરજીળો ગજે નેઢા તોય વે ગુથલ એનજા માળા.
છપેયા જા ગારે મીઠી જા ગાધલે વારા એનજા માળા.
કોક ડર મેં બધીયે કોક બધીયે ઝાડજી ડાર તે માળા.
કેજા કટોરે જેળા કેજાક ગભીલે જેળા માળા.
નર ચે કોક કોયલ જેડા કાગડે જે માળે કે ગણે પેઢંજા માળા.
રંગ બે રંગી કલરવ કઈધલ પંખી જા બાળ લગે રૂપાળા.
નારાણજી જાડેજા (ગઢશીશા)
નર
મુન્દ્રા
