વચન
સરહદ થયેલા તણાવને કારણે વધી રહેલા હુમલાઓના સમાચાર સાંભળીને
એક મા ના ધડકતા હૈયાને પોતાના દીકરાએ જંગ માંથી વહેલો પાછો ફરીશ
એવું આપેલું વચન યાદ આવ્યું હશે.
.
ચોમાસે ટપકતી છત સામે જોયને એક પિતાને,
"આ વખતની છુટ્ટીઓમાં આ છત રીપેર કરાવી નાખીશ"
એવું આપેલું વચન યાદ આવ્યું હશે.
.
છુટ્ટીઓ પૂરી કરીને પરત ફરતાં સૂતેલું બાળક ઉઠીને વળગી પડેલ
ત્યારે બાળકને "પાછા વખતે દુશ્મનોના ટેંક સાથે લેતો આવીશ"
એવું આપેલું વચન યાદ આવ્યું હશે.
.
દુશ્મનોની ગોળી વાગતા લોહી થી લથપથ પડ્યા ત્યારે
મુઠ્ઠી ધુળની ભરી ઘાવ ઉપર લગાડીને "જીવીશ ત્યાં સુધી તારી રક્ષા કરી"
એવું ભારત મા ને આપેલુ વચન યાદ આવ્યું હશે.
.
ત્રિરંગામાં લપેટી ને પરત ફરેલા કોફીનને ફળિયામાં મુકતાં
મહેંદી રચેલા હાથ હાથમાં લઈને પોતાની પ્રિયતમાને "જંગ જીતિને પાછો આવીશ જરૂર"
એવું આપેલું વચન યાદ આવ્યું હશે.
-ભરત રબારી
(માંગરોળ, જી.જુનાગઢ)