વાતનું વતેસર
આખા ઘરને એ કોપભવન બનાવી બેઠાં છે,
એક નાનકડી વાતનું વતેસર બનાવી બેઠાં છે.
.
સવારથી એક ખૂણામાં ભરાઇને બેઠાં છે,
હાલત એ પોતાની દુર્ગા બનાવી બેઠાં છે.
.
અડકતાંજ કરંટ લાગે જાણે કોઈ ઇસ્ત્રીને,
ગરમી એટલી પોતાનામાં સમાવી બેઠાં છે.
.
ત્રીજા વિશ્વયુદ્ધનો બોમ્બમારો થયો હોય જાણે,
ઘરની હાલત કંઈ એવી અત્યારે બનાવી બેઠાં છે.
.
ચોકલેટ, આઈસ્ક્રીમ થી શરૂ કરીને સાડી સુધીની ઓફર કરી,
લાગે છે આજે ના બોલવાનું મક્કમ મન બનાવીને બેઠાં છે.
.
વાત જો વધશેે હજુ આગળ તો થશે બૂરું,
રસોડામાં અે મોટું તાળું લગાવીને બેઠાં છે.
.
સમય રહેતાં મનાવી લઈશું અમે પણ રુદિયાના રાણીને,
આ સમયની સાથે હોડ અમે પણ લગાવી બેઠા છે.
.
તા.03/04/2020 -© ભરત રબારી
વાર :- શુક્રવાર (માંગરોળ, જી. જુનાગઢ)
#રાણી
