The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
સમયના મણકા ફેરવતા ફેરવતા.. ક્યાંક અટકી એવુ જવાય છે.. સાબિતી આપતાં સાચની.. ખુદને જ બહુ દુભવાય છે.. પ્રતિક્ષા પળે પળની ના હવે સહેવાય છે.. સલામત રહે તું હરદમ ઍવી દુઆ અપાય છે. માત્ર સૂચન પર ચાલતું આ મસ્તિષ્ક, જ્યારે હૃદય સાથે જોડાય છે... શરીર જોડે આતમની ત્યારે પ્રાણ પ્રતિષ્ઠા થાય છે..
મારા ખિસ્સા માં કુદરતનો ઉપહાર, એક એક ખિસા માં અનોખી છે આશ, સૂરજના કિરણો અને ચાંદની ભરી રાત, નથી એમા પ્રખર તડકા કેરું જરીકે નામ કે નથી એમા જરાય અમાસ કેરું નામ. ભરતી અને ઓટથી ભરી જીવન કેરી નાવ, કર્મના હલેસા થી જીવન નો થશે ઉદ્ધાર.
આપી શક તો આપી દે મને, તારા સાથ નો સાક્ષાત્કાર.. કુદરતના ક્રૂર વ્યવહાર સામે તારા હાસ્યનો દરબાર... અપલક નયને નિહાળું તમને, ભીતર માં ને બહાર.. જો આપી શક તો આપી દે મને, તારા સાથનો સાક્ષાત્કાર
ગણિત ગીત છે અંકોની રાજધાની, સાથે સંકેતો એના છે પ્રહરી, સૂત્રો એના છે સારથી, બિદું રેખા કિરણ હથિયાર ધારી, વર્તુળ, ખૂણા, સમાંતર રેખા, એવા એના કુટુંબના સાથી, ત્રિકોણ, ચતુષ્કોણ અનેક બહુકોણ, શેરીના એના એવા સાથી, ત્રિકોણમિતિ, ક્ષેત્રફળ, ઘનફળ સૌ મળી ને કરે એની સ્તુતિ. સ્થાન કિંમત, સરવાળા બાદબાકી, ગુણાકાર ભાગાકાર બહુ કિંમતી. ગણિત દેવ છે શૂન્યધારી, વ્યવહારમાં તે એક નંબરી
આમ તો આકાશે વાદળ ચીટક્યા છે... લાગે છે બધુ બરાબર છે..... ખોળીયામાં શ્વાસ જરા રુંધાય તો છે.... લાગે છે જીવ હેમખેમ છે.... આંખોમાં ભેજના તોરણ બાંધ્યા તો છે.... લાગે છે કે દ્રષ્ટિ હેમખેમ છે... ઉભડક જીવે બે ટંક ખવાય તો છે... લાગે છે કે ઈશ્વર મહેરબાન છે... અંદરનો આદમી ક્યાંક સળવળે તો છે... લાગે છે કે એમ જ જીવાય તો છે... રાતના ગમન પછી દિન આવે તો છે...... લાગે છે કે પૃથ્વી હેમખેમ છે... નિત્ય તિરાડ વચ્ચે વાટા ભરાઈ જાય છે... લાગે કે એના વિના ક્યાં ઉદ્ધાર છે.... રોજ પ્રશસ્તિ ખાય મારો આતમ જેમ... લાગે છે કે જીવન અંતરાય છે...
પ્રતિક્ષા પ્રતિક્ષાની કેડી ખૂબ લાંબી...રોજ રોજ ઈંતજારની દીવાલ પર ધીરજની ઈંટ મુકતા મુકતા હ્રદય પર નિરાશાની રજ છવાતી જાય છે .સવાર પડે ને આંખ ખૂલતા જ તારો હસતો ચહેરો નજર સમક્ષ તરવરી ઉઠે છે...ને જાણે મારા કાનમાં ધીમેથી કહે છે કે,થોડીવાર બસ થોડીવાર રાહ જો ..! અને તને મળવા -ની આશમાં, તારી સાથે વાત થશેની આશમાં એક નવો દિવસ જન્મ લે છે..એક આશા બધી નિરાશા ખંખેરી નાખે છે..આ જ આશા ના સથવારે એ જ આશાના તાંતણે મારી અડધી સવાર પસાર થાય છે ! ! વચ્ચે વચ્ચે કામ કરતા કરતા તારામાં જ પરોવાયેલુ મારુ ચિત્ત ઘડીએ ઘડીએ તારી હાજરી ચકાસ્યા કરે અને ત્યાં નિયત સમયે તારુ આગમન થતા,મારા ચિત્તમાં એક અજબનો સંતોષ છવાઈ જાય છે ! ઘણીવાર માત્ર આપણી હાજરીને કોઈ કેટલી તીવ્રતાથી ઝંખતુ હશે ...કલ્પના કરી છે ? આ ઉંડા સ્નેહની ...તારા અને મારા જૂજ સમયમાં રચાતા સંવાદો મારા કમજોર મનને તારા પ્રત્યેની ઊંડી લાગણીનો અને તારા તરફથી મારા તરફનો અપાર સ્નેહની પૂર્તિ કરી જાય છે ! ફરી તારુ અને મારુ છુટુ પડવું .અને ફરી મારુ ચિત્ત તારા નામની માળા જપે છે !ફરી એ જ પ્રતિક્ષાના ચગડોળે ...ચિત્ત ભમે છે ...હું બધુ જ કરુ છુ..બધી જ ફરજ નિભાવુ છુ ,બધુ જ કામ કરુ છુ ..ફક્ત તને મારા હ્રદયમાં રાખી ને ! એક જીજીવિષા એટલે તું ! તારી અને મારી પ્રત્યક્ષ મુલાકાત વચ્ચે આ રાત્રિના અંધકારો .. દિવસના કલાકો..! થઈ શકે તો એ સમયની પળને એક વિનંતી કરવી છે કે જ્યારે તારી અને મારી પ્રત્યક્ષ મુલાકાત થાય ત્યારે એ થંભી જાય ! તારા સાનિધ્યમાં મળતા સુકુનનો કોઈ પર્યાય નથી . અને ફરી ફરી ને આ આતમ ફરી તારી પ્રતિક્ષાના ફેરામાં અટવાતો જશે ! કદાચ મારી જિંદગીનુ એક સત્ય તું અને તારા મિલનની પ્રતિક્ષા એ જ પ્રતિક્ષાના ફેરા એટલે મારો તારો આ પ્રેમ.
સૃષ્ટિ સૃષ્ટિ તણા વૈભવની જો યાદી બને ! ઠેર ઠેર વૈભવની જો યાદી બને ! કોઈના સંદુકમા અધિક દોલત ખનકે ! કોઈના મહેલમા તો મોરલા પણ ટહુકે! કોઈ હીરા મોતીથી અધિક ઝળહળે ! તો કોઈના સ્વપ્નોની કોઈ વિસાતના મળે ! પણ અંતર જેનુ કદી સંતોષથી ના ભરે ! એ મહેલની મિરાતમા પણ જાગતા ફરે ! સંતોષના કદી કોઈ મલકમાં હાટડા મળે ! દિલની અમીરાતના કદીના સોદા મળે !
ખબર નથી પડતી હું ક્યાં જાઉ છુ ? ઘડીક તારી સાથે તો ઘડીક એકાંતમા હોઉ છુ ! ક્યારેક તને પાસે તો ક્યારેક ખૂબ દૂર પામુ છુ ! હદ તો થાય ત્યારે મને જ મારુ સરનામુ પુછુ છુ ! નથી રહેવાની કદીય સાથે એક તારી માળા ઝપુ છુ ! ખબર છે મને તારા દરવાજે ચંપ્પલ માફક ઉતરુ છુ ! કોઈ સપનાના મહેલમા તારી સાથે રાચુ છુ ! કેમ કહુ મજબૂરીની ઈંટ તળે પલ પલ હુ રીબાઉ છુ ! કેટલી સરહદમા બાંધેલી છે આ લાગણી ખરુ ! શું કહુ બસ તારી મંજૂરીની આશાએ ધબકુ છુ ! આવીશ તું, વાત કરીશ તું ,એ આખરી વાતમા પણ, વળતો ઉત્તર ન આપતી એવી ટકોર પણ કરીશ તુ ! ત્યારે માત્ર ત્યારે અહેસાસ થાય મને કે , કેટલીય અડચણો પર આ પ્રેમનો બાગ વાવીશ હું !
let her breath એ વગડાના છોડને કૂંડામાં રોપ્યો ,જરા આપો મોકળાશ..let her breath.. એ વગડાની વેલીને રોપીતો કૂંડામાં,જરા લહેરાવા દો.એને..let her dance
એ સાંજ કદાચ ,એને એકદમ ધ્રાસકો આપી ગઈ. સતત એકવીસ દિવસ...ઘરમા, સતત પરિવારની સાથે રહેવાનુ. એક રીતે સારુ પણ લાગ્યુ કે ,સૌ સાથે પરિવાર જોડે રહેવા મળશે ..પણ ઘરમાં આ સમયમાં બધાના સ્વભાવને અનુકૂલન આપીને શાંતિથી સમય પસાર થાય એ પણ એટલું જ અગત્યનુ હતુ. પરિવાર કઈ બહુ મોટો ન હતો,પણ એનો સૂત્રધાર તીખા સ્વભાવનો હતો. સુત્રધારની કમાણી સીમિત,મિજાજ જાણે સાતમા આસમાને હોય એવો ! નબળો પતિ બૈરી પર શૂરો એ કહેવતને પૂરેપૂરી સાર્થક કરતો હતો . આમ પણ એ એને અને એની દીકરીને ઉતારી પાડવામાં કશુય બાકી ન રાખતો ! ને હવે એકવીસ દિવસ એની સાથે..સતત..ઉ.ફ્ ! એણે જાતને માનસિક તૈયાર કરવા લાગી..સતત કોઈને કોઈ પ્રવૃતિમા પોતાની જાતને ગળાડૂબ રાખવી ! પણ પ્રથમ દિવસથી જ જાણે પોતે પરીક્ષા આપવા માટે ઉતરી હોય એવો અનુભવ એને થવા લાગ્યો. સૂત્રધાર ઉઠે એટલે એની દરેક જરુરિયાત પૂરી પાડવી.અને જરાપણ વાર લાગી કે ઈચ્છા મુજબનુ ન થયુ તો એક ઉપનામ ઉર્ફે ગાળ થી એને નવાજવામા આવતી. એણે વિરોધ કર્યો પણ અસર થાય એવો આ સૂત્રધાર નબળો ન હતો ! પ્રથમ દિવસ થી જ એણે માનસિક સજ્જતા કેળવી હતી ,કે ભૂલેચૂકે ઘરકામમાં એનાથી કોઈ કચાશ ન રહે.આત્મીયતા નું નવુ વાવેતર થઈ શકે એવી બંન્ને વચ્ચે કોઈ શક્યતા ન હતી ! કે ભૂલેચૂકે પણ બે સારા ,લાગણીભર્યા શબ્દો સાંભળવા મળે...છતાંય એને આશા હતી કે આ નર્કાગાર માં હવે વીસ,ઓગણીસ..અઢાર....એવી ઉલટી ગણતરી કરીશ ત્યાં છેલ્લો દિવસ આવી જશે . પણ દિવસે દિવસે પરીક્ષાનુ પ્રશ્નપત્ર અધરુ થતુ જાય છે.એ જાણે સૂત્રધારના કેમેરામાં અંડર ઓબ્ઝરવેશન હતી.બે ,ત્રણ દિવસ તો એ વહેલી ઉઠી એનો એકાંત માણી લેતી.પોતાની જાત સાથે ,કુદરતના રંગો સાથે વાત કરવાની એની ટેવ હતી ! મનગમતા ગીત સાંભળવાની એની આદત હતી,કલાકો એ સખીઓ સાથે વાત કરી લઈ હળવી બની જતી ! પણ હવે તો સૂત્રધારે એની સાથે ઉઠવાનુ શરુ કરી દીધુ ! સતત તું શું કરશ ? કેમ ડેલીએ ઊભી રહી ? આવા ગીત કેમ ગમે ? બંધ કર આ કકળાટ...તારામા કેમ બુદ્ધિ નથી ? એ રુપાળુ ગધેડુ ! આખો દિવસ બસ બધા સાથે લપ જ કરવી છે ? ખબર નહી સૂત્રધાર પોતાને એની પાસે હોંશિયાર સાબિત કરવા માગતો હતો ! છતા એણે ચલાવ્યા રાખ્યુ .અમુક સંબંધ અનરીપ્લેસેબલ છે અને આ જ એનુ સત્ય છે આનાથી છૂટી શકવાનો સમય એણે ગુમાવી દીધો છે હવે કશુય થાય એમ નથી ! એ બાબત આરસ પરની લકીર જેવી છે ,એ હકીકત પર એને ભારે હતાશા આવી જતી . પણ નસીબ થી આગળ કશુય હોતુ નથી ! છતાય એણે પોતાને ધીરજ આપ્યા કરી ,કે એક દિવસ આ પરીક્ષા પૂરી થઈ જશે અને સૂત્રધાર કામે જશે અને ફરીપાછુ એને મુક્તિનુ આકાશ મળશે ! પણ સૂત્રધાર પાસે એને હેરાન કરવાના કિમીયા ઓછા ન હતા ! એણે એક દિવસ તો ઘરમા બોલવાનુ બંધ કરી દીધુ. સ્વભાવ સમજી એણે અનેક વખત બોલાવી મનાવવાના પ્રયત્ન કર્યા..પણ સૂત્રધારને તો પોતે પતિ હોવાનુ કઈ જાતનુ ગર્વ હતો કે ટસ થી મસ ન થતો.ઘરકામ અને વધતી લેફ્ટરાઈટમા એ ખરેખર કંટાળી ચૂકી હતી .ધીરજ ખૂટતી જતી હતી ! છતાય એ પોતાને ધીરજ અપાવ્યા કરતી કે હવે થોડા દિવસ આ જેલ ...આ કારાવાસ....પછી તો મુક્તિનો શ્વાસ હશે ! અમુક કલાકની જવાબદારી જ હશે ! આજે તો એ અબોલાના અંત થયો.સાંજે એ ઓટલે બેઠી ..સૂત્રધારની નજરથી દૂર ,મુક્તિનો શ્વાસ લેવા ..ત્યાંતો સૂત્રધાર પણ બારે આવ્યો.થોડી ડંફાસો મારી..એણે ન સાંભળવી હોય તો પણ સાંભળવી પડી ડંફાસો...! આજે એનો કંટાળો નજર સમક્ષ તરી વળ્યો..સૂત્રધારની નજર પર આ બાબત આવી ,અને એણે ખીજમા એને એક ધક્કો મારી દીધો ! ! ! કોઈ દિવસ નહી ને આ પણ બાકી હતુ ??? એ ગભરાઈ ગઈ ! વિરોધ ન કરી શકી !!! આંસુ પણ પી ગઈ ! સૂત્રધારનો ફરી વિજય ! ! ! વોટ્સ અપમા 'પરિવારના માળો ' શબ્દ એને વાહિયાત લાગ્યો ! કદાચ એની કિસ્મતમા માળા જેવી હૂંફ ન હતી ! અપમાન,તિરસ્કાર ,ધૃણા બધુય એકસામટુ ટોળે વળીને એને ધેરી વળ્યુ હતુ ! વધુ પડતા ડાહ્યા હોવાનુ ઈનામ એને મળી ચુક્યુ હતું.,આ જ એની હકીકત હતી ! અને સમયસર પોતાના જાત સાથેના અન્યાયનો વિરોધ ન કરી શક્યાનુ ફળ ! આ છતાય એણે ધીરજ ન ગુમાવાય એવી આશા સેવી ! લોકડાઉનના દિવસમા ઉમેરો .....અને એના અંત્યોદય માટેના સમયને હજી વાર ....બસ ..ફકત પરીક્ષા...પર પરીક્ષા...પર પરીક્ષા....! ! ! એક સવાલ , શા માટે એને ધીરજ બંધાતી હતી ? અંદાજ ખરો ? જવાબ ,..રોજ એના મન મંદિરીયે એના કાનાનો એને ત્રણ ટાઈમ શંખનાદ થતો ," હું છું ને તારી સાથે ! બસ થોડો સમય ઝીરવી લે ! આંખો બંધ કર હું તારી સાથે જ છું " ને એને ફરી મુક્તિના એક ટુકડાની આશ સર્જાતી ...અને ફરી ઉલટા કાઉન્ટડાઉન કરતી !
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
