Quotes by Dr harshad solanki in Bitesapp read free

Dr harshad solanki posted an update Gujarati Poem

4 year ago

આ તે કેવી આંટીઘૂંટી! આ તે કેવી અસમંજસ!
હાથ હથેળીથી છૂટ્ટો ને આંખો અશ્રુમાં સમરસ!
-હર્ષદ સોલંકી

262 Views

12 others like this post.

Dr harshad solanki posted an update Gujarati Poem

4 year ago

202 Views

10 others like this post.

Dr harshad solanki posted an update Gujarati Poem

4 year ago

મારા વિશેનો ઘરનો હું મત કળી ગયો'તો,
આવીને છેક દ્વારે પાછો વળી ગયો 'તો.

જ્યારે મને થયો'તો મારો જ સ્પર્શ ત્યારે,
હું થરથરી ગયો'તો, હું ખળભળી ગયો'તો.

ભૂલું પડી ગયું'તું જ્યાં ગામ એક આખું,
બસ એ જ માર્ગમાં હું ખુદને મળી ગયો'તો.

રણમાં ભળી ગયો'તો કયારેક રેત થઇને,
ક્યારેક જળ બનીને જળમાં ભળી ગયો'તો.

ચઢતો જ હું રહ્યો'તો કપરા ચઢાવ કાયમ,
આસાન ઢાળ જોઈ હું ક્યાં ઢળી ગયો'તો!
-હર્ષદ સોલંકી

Dr harshad solanki posted an update Gujarati Poem

4 year ago

મિત્રો,
નવી ગુજરાતી ગઝલો મેળવવા ફોલો કરો..

152 Views

11 others like this post.

Dr harshad solanki posted an update Gujarati Poem

4 year ago

સદીઓ કેટલીયે એક ક્ષણમાં કેદ થઇ ગઇ છે,
જનમભરની પીડા એકાદ વ્રણમાં કેદ થઇ ગઇ છે.

કથી કોઈ નથી શક્તું; નથી કોઈ સુણી શક્તું,
કથા પ્રત્યેકની પ્રત્યેક જણમાં કેદ થઇ ગઇ છે.

કદી ઉત્સાહથી સેવેલ જાજરમાન ઝંખા પણ,
સમયના કારમા કોઈ કળણમાં કેદ થઇ ગઇ છે.

અમારા ટેરવામાંથી વહીને નીકળી'તી જે,
નદી એ ક્યાંક કો' અદ્રશ્ય રણમાં કેદ થઇ ગઇ છે.

જણસની જેમ જેને સાચવી'તી એ તરસ ઉત્કટ,
સરીને શુષ્ક કોઈ રેતકણમાં કેદ થઇ ગઇ છે.
-હર્ષદ સોલંકી
#ઝડપી