તૈયાર થયા પછી, અમે જમવા માટે એક હોટલમાં ગયા હતા.
પપ્પાએ ભરપેટ થાળીનો ઓર્ડર આપ્યો હતો.
કેરીની મોસમ હતી, તેથી મને કેરીનો રસ ખાવાનું મને મને થયું હતું, પણ પિતાજી એ મને રોકી લીધો હતો. રાત્રિનો સમય હતો. વધુ પડતું ખાવાથી અપચો થશે. આ વાતને ધ્યાનમાં રાખીને, તેમણે મને સલાહ આપી હતી..
"કેરીનો રસ સારો છે, પણ વધારે ના ખાતો. "
તેમને એસિડિટીની સમસ્યા હતી, તેથી તેમણે મને પણ કેરીના રસથી દૂર રાખવાનો પ્રયાસ કર્યો હતો.
થાળીમાં અમારી ઘણી મનપસંદ વસ્તુઓ હતી, પણ હું વધારે ખાઈ શક્યો નહોતો.
રાત્રિ ભોજન પછી, પપ્પા અમને ફિલ્મ જોવા લઈ ગયા હતા
ફિલ્મનું નામ "ઝનક ઝનક પાયલ બાજે" હતું.
તે એક ક્લાસિક ફિલ્મ હતી. તે સમયે, મને ખબર નહોતી કે તે શું છે. ફિલ્મ વળી શી બલા છે? તેની મને કોઈ ભાળ નહોતી. હું તેને એક પ્રકારનો સ્ટેજ ડ્રામા સમજતો હતો જ્યાં બધું લાઈવ હોય છે
આ ફિલ્મ પ્રખ્યાત નિર્માતા-દિગ્દર્શક વી. શાંતારામ દ્વારા બનાવવામાં આવી હતી. તે સમયે તે એક સુપરહિટ ફિલ્મ હતી, જે બે વર્ષથી વધુ સમય સુધી એક જ થિયેટરમાં ચાલી હતી.
આ ફિલ્મમાં સ્ટાર સંધ્યાએ અભિનય કર્યો હતો, જેમણે બંનેએ પાછળથી લગ્ન કર્યા હતા.
તેમણે બીજી ફિલ્મ પણ બનાવી હતી: ' દો આંખે બારહ હાથ.'
તે છ કેદીઓની વાર્તા હતી. જેલર ની બે આંખોની શરમ બાર હાથને સીધી રાહ આણે છે.
કેદીઓ સુધરી જાય છે પણ તેને કારણે તેમની સામે મુસીબત ખડી થાય છે. તેમના અનેક દુશ્મનો ઉભા થઈ જાય છે. કેટલાક ગુંડાઓની તેમને મારવા તૈયાર થઈ જાય છે. તેમને બચાવવાં જતાં જેલર પોતાનો જીવ ગુમાવે છે. આ ભૂમિકા શાંતારામેં ખુદ ભજવી હતી..
ફિલ્મના એક ગીતનો સાર એક શક્તિશાળી સંદેશ બની ગયો હતો.
' જબ જુલ્મો કા હો સામના,
તબ તું હી હમે થામના,
વો બુરાઈ કરે, હમ ભલાઈ કરે
નહીં બદલે કી હો કામના
એક ફિલ્મ જોયા પછી, મને ફિલ્મો જોવાનો શોખ જાગ્યો હતો.
મેં બીજી ફિલ્મ "ઇન્સાનિયત જોઈ હતી , જેમાં બે દિગ્ગજ કલાકારો, દિલીપ કુમાર અને દેવ આનંદ, બંને એ અભિનેતા પ્રેમનાથ ની વહુ બીના રોય જોડે કામ કર્યું હતું. તેણે દેવ આનંદની પત્નીની ભૂમિકા ભજવી હતી. ફિલ્મમાં દિલીપ કુમાર પાસે એક વાંદરો હતો જેની મદદથી તે પોતાના મિત્ર ના બાળકનો જીવ બચાવે છે, પરંતુ બદલામાં, પોતાનો જીવ ગુમાવી બેસે છે.
દેવ આનંદ પોતાના પુત્રનો જીવ બચાવે છે પરંતુ તેના બદલે પોતાના મિત્ર દિલીપ કુમાર ને ખોઈ બેસે છે.
તેનું બલિદાન જોઈને મારી આંખોમાં આંસુ આવી ગયા હતા.
તે પછી, મેં દિગ્ગજ નિર્માતા બી.આર. ચોપરા ની બીજી ફિલ્મ, એક હી રાસ્તા જોઈ હતી જેમણે વિધવા પુનર્લગ્નનો મુદ્દો ઉઠાવ્યો હતો.
ફિલ્મનો એક સંવાદ યાદગાર બની ગયો હતો
"વિનાશના પર્વતોને આંસુની નદીઓમાં ડૂબાડી શકાતા નથી; તેમને તોડવા કે કાપવા પડે છે."
ફિલ્મો જોવા ઉપરાંત, મને ગીતો ગાવાનો શોખ હતો. ચોક્કસ શબ્દોની પરવા કર્યા વિના, હું મનમાં આવતા શબ્દોને જોડીને ગીત બનાવતો હતો જેનાથી ખૂબ જ ઉત્તેજના ઉત્પન્ન થતી હતી.. બિલ્ડિંગના બધા છોકરાઓ આ જાણતા હતા તેમને આ બધું ગમતું હતું. તેઓ મને ગાવા માટે બોલાવતા હતા.
એક ફિલ્મ રિલીઝ થઈ હતી, "નાટક". તેનું શીર્ષક ગીત હતું:
' જીંદગી એક નાટક હૈ, હમ નાટક મેં કામ કરતે હૈ . ' પરદા ઉઠતે હી હમ સબ કો સલામ કરતે હૈ
મેં આ ગીતનું ગુજરાતીમાં એક અલગ સંસ્કરણ બનાવ્યું.
જીવન એક પાપડ છે, જેમાં કોઈ મસાલો નથી લોકો મળે વાતો કરે છે પણ કોઈ ભલીવાર નથી.
તે લોકો માટે એક મહાન મનોરંજન હતું.
તે પછી અનન્યાને વારંવાર મળવાનું થતું હતું.અમે એકબીજાને મળતા હતા, વાતો કરતા હતા એકબીજાના ઘરે પણ જતા હતા. સાથે અભ્યાસ કરતા હતા અને શાળાએ પણ સાથે જતાં હતા. અમારી શાળાના સમય વચ્ચે અડધો કલાક નો તફાવત હતો. છતાં અમે સાથે જ જતાં હતા. વારંવાર તેને મદદ કરવા માટે પણ હું તેની સાથે ઘરની બહાર જતો હતો.
રસ્તા માં કોઈ છોકરો તેને છેડતો હતો. તે જ કારણે તે મને સ્કૂલ જતી વખતે સાથે રાખતી હતી
ગીતા બહેન અમે સાથે જતાં હતા. તે જાણતા હતા. પણ કદી એ બાબત કોઈ પૃચ્છા કરી નહોતી.
અનન્યાએ મને ક્યારેય કહ્યું નહોતું . પણ મને ખબર પડી ગઈ હતી. તેના સમુદાયનો એક છોકરો હતો જે તેની પાછળ પડયો હતો. તેના ડરથી, તેણે મને તેનો બોડી ગાર્ડ બનાવ્યો હતો.
તેને મારી શક્તિનું પ્રમાણપત્ર મળી ગયું હતું.
મેં તેની સામે એક છોકરાને માર માર્યો હતો, જે બિલ્ડિંગના છોકરાઓએ મારા માટે ગોઠવ્યો હતો.
આ ઉપરાંત, પરીક્ષાના દિવસોમાં, અમે એકબીજાને વહેલા ઉઠવામાં મદદ કરતા હતા. તેની માતા ઘરમાં જ રહેતી હતી. એક પેઇંગ ગેસ્ટ નોકરાણી પણ તેની સાથે રહેતી હતી. છતાં, તે મને જગાડવાનો આગ્રહ રાખતી હતી.
એક છોકરો ઘણીવાર તેના ઘરે આવતો હતો. તેનું નામ અપૂર્વ હતું. તે બાજુની બિલ્ડિંગમાં રહેતો હતો. તેની માતાનું પણ અવસાન થયું હતું.
બિલ્ડિંગમાં એક ગ્રુપ બનાવવામાં આવ્યું હતું. બિલ્ડિંગમાં બધા છોકરાઓ અને છોકરીઓ સભ્યો હતા. તેની શરૂઆત ચાલીસના દાયકાના છૂટાછેડા લીધેલા પુરુષ દ્વારા કરવામાં આવી હતી.
હું, અનન્યા અને અપૂર્વ પણ આ ગ્રુપના સભ્યો હતા.
અઠવાડિયામાં એક વાર મીટિંગ થતી હતી. બધા ભેગા થતા હતા. અપૂર્વ બહારનો હતો, પરંતુ પ્રમુખ શ્રીધરનો નજીકનો મિત્ર હોવાથી, તેને ગ્રુપમાં સામેલ કર્યો હતો.
અનન્યા અપૂર્વને પોતાનો ભાઈ માનતી હતી. આ વાતને ટેકો આપતા, તેની માતાએ મારી સામે અપૂર્વાને કહ્યું હતું:
"તારી કોઈ બહેન નથી, અને અનન્યાને કોઈ ભાઈ નથી. તારે આજે રક્ષાબંધન પર તારા કાંડા પર રાખડી બાંધવી જોઈએ અને તેની સાથે બહેન જેવો વ્યવહાર કરવો જોઈએ."
રક્ષાબંધનની વિધિ કરતી વખતે, અનન્યા એ અપૂર્વને ચાંલ્લો કર્યો હતો. અને કાંડા પર રાખડી બાંધી. હતી.
બદલામાં, અપૂર્વ એ 'વિરપસલી' ની વિધિ નિભાવતા અનન્યાને રોકડા પૈસા આપ્યા હતા
આ જોઈને મને રાખડી બાંધવાનું મન થયું હતું પણ હું અનન્યા સામે મારું મોં ખોલી શકયો નહોતો .
તે સમયે, ભાવિકા મારાથી માઇલો દૂર રહેતી હતી.
મને ફક્ત એક જ સંબંધ ખબર હતી...
તે હતો... ભાઈ અને બહેનનો...!!
હું તેને મારી બહેન માનતો હતો. હું મારા કાંડા પર રાખડી બંધાવવા માંગતો હતો. પણ હું કંઈ કહી શકયો નહોતો.
તે બંને અનન્યાના ઘરે રોજ મળતા હતા.
પણ તેઓ બંને વિચિત્ર વર્તન કરતાં હતા.
મારા માટે, તેઓ ભાઈ-બહેન હતા. પરંતુ તેમના વર્તનથી શંકા જાગતી હતી. તેમને જોઈને મને ફિલ્મોમાં હીરો અને નાયિકાની હરકતો યાદ આવતી હતી.
તેમના સંબંધો મારા દિમાગમાં ગલત વિચારો જગાડતાં હતા. શંકાસ્પદ લાગતા હતા.. તેમણે મને એવું માનવા પ્રેર્યા હતા.
ભાઈ બહેનો વચ્ચે આવું થઈ શકે છે.
પણ આ ખોટું હતું. બંનેએ મને ખોટો પાઠ શીખવ્યો હતો.
આનાથી મારા અર્ધજાગ્રતમાં ખળભળાટ મચી ગયો હતો. અપૂર્વનું વર્તન મને અનન્યાને સ્પર્શ કરવા માટે ઉશ્કેરતું હતું. હું પણ તેનું અનુકરણ કરતો હતો તે બદલ તૅણે ક્યારેય નારાજગી વ્યક્ત કરી નહોતી.
આનાથી મને આગળ વધવાની પ્રેરણા મળી હતી.
એકવાર, હું તેની આંગળી પકડીને 20-25 મિનિટ સાથે ચાલીને ઘરે સુધી આવ્યો હતો. તે બદલ પણ તેણીએ મને કંઈ કહ્યું નહોતું.
તેઓ ફિલ્મોમાં બે પ્રેમીઓની જેમ વર્તતા હતા. . આ કારણે, બિલ્ડિંગમાં ગોસીપ નું વાતાવરણ ગરમ થઈ ગયું હતું.
તે સમયે, પડોશની એક મહિલાએ અનન્યાની માતાની પ્રશંસા કરતા વધાઈ આપી હતી
"તમે ખૂબ નસીબદાર છો. તમને એક સારો જમાઈ મળ્યો છે."
હવે, તે કોણ હતો? મને ખબર નહોતી. રોજ તે અપૂર્વા ઘરે આવતો હતો. આવો વિચાર પણ કેવી રીતે આવી શકે? તે તેનો જમાઈ હતો!!
000000000000 ( ક્રમશ)
