Do Dil
Ek dil bheed me chalta raha,
Hazaron chehre mile, par akela raha.
Sheher badle, raaste badle,
Dusra dil ek kone me baitha raha,
Kitaabon me, khwabon me uljha raha,
Akele me bhi mela lagaye rakha,
Har panne par naya sapna sajaye rakha.
Phir ek din hawa ne khel kiya,
Jo ghum raha tha, use kone me rok diya.
Usne dekha - wahan bhi ek dil dhadakta hai,
Jo bheed ke bina bhi bheed rakhta hai.
Usne kuch kaha nahi, isne kuch pucha nahi,
Phir bhi jo kehna tha, dono ne sun liya,
Labz toh beech me aaye hi nahi,
Bas nazron ne dil ki baat padh li.
Ab na wo sheher-sheher bhatakta hai,
Na wo kone me akeli sapne sajati hai.i
Dono milke ek hi kone me baithe hain,
Bheed se door, par bheed liye baithe hain.
