" તો આવે મજા "
( ગઝલ )
જિંદગીભર આપશો જો સાથ તો આવે મજા.
રાખશો પકડી અમારો હાથ તો આવે મજા.
યાદગીરી રૂપ બનતી જાય ઘટના એ સરસ;
છે મિલનની એ મજા હો રાત તો આવે મજા.
આપલે ની ભેટ ધરવી છે અમારે રોજ બસ;
આપતા ચુંબન બને સોગાત તો આવે મજા.
એ મને પોકારતા મારી પહેલા તો ભલા;
દોડતા દરિયા ઉછળતા સાત તો આવે મજા.
પાંખ ફફડાવી ઉડી જાતા ઉપર આકાશમાં;
કોઈ પૂછે આપણી ઓકાત તો આવે મજા.
કે ખબર સૌને પડે Bન્દાસ બનતા આવજો;
ના કદી પામે ભલા આઘાત તો આવે મજા.
©✍️ "Bન્દાસ"
રાકેશ વી સોલંકી
મહેસાણા
છંદ રમલ = ગા લ ગા ગા × ૦૩ + ગા લ ગા
