*લખું કાગળ ગણેશજીને*
લખું કાગળ ગજાનન તમને,
તમે આવો એ ગમશે અમને.
ભક્ત રાજી થશે જોઈ તમને ,
મંગળ મૂર્તી દર્શન આપો અમને.
આવું હું મળ્યો કાગળ આપનો,
તમે ભક્ત મારાં હું ભક્ત આપનો.
ઢોલ નગારાં થી સ્વાગત કરશો તમે,
મંડપમાં પાટ પર બેસાડશો મને તમે.
સવાર સાંજ આરતી ભંજન કરશો,
ભાવતાં મીઠા લાડુ મોદક મને ધરશો.
નાના બાલક મારા આંગણીયે રમશે,
તમે ધરાવેલ ભોગનો પ્રસાદ જમશે.
કહે નર આભાર ગણેશજી આપનો,
પૂજા અર્ચના માટે દિવસ આ લાભનો.
ભજે નહીં જે હરિ ને એ દેહ શું કામનો,
ક્ષમા કરજો ભુલોને ભક્ત હું આપનો.
*નારાણજી જાડેજા* (ગઢશીશા)
*નર*
હાલ મુન્દ્રા કચ્છ
