આ રચના દેશની દરેક બેટીને સમર્પિત જે કોઈ પ્રેમાંધ હલકટની હલકી માનસિકતાનો ભોગ બને છે, તેમની સુરક્ષાની જવાબદારી આપણી જ છે. આવા માનસિક બિમારોનો ઈલાજ આપણે જ કરવો પડશે, જેથી બીજા આવું કરતાં અટકે.

આંટાફેરા એ લગાવશે,
શરૂશરૂમાં તો ફોસલાવશે.

પ્યારજ છે એવું જતાવશે,
પાછળ હરહંમેશ આવશે.

હક એ પોતાનો જમાવશે,
ના જો પાડે તો ડરાવશે.

ખોટે ખોટુંય ભરમાવશે,
ખાલી ખાલીય ગભરાવશે.

એસિડ બોટલ એમ લાવશે,
એના જીવનને ધ્રુજાવશે.

ચાકુ, છૂરી એ બતાવશે,
ને લાગ મળતાં ચલાવશે.

લોકો વાતોને ચગાવશે,
ને વાંક ધરમનો ગણાવશે.

કોણ હવે બેટી બચાવશે?
કોણ જિમ્મેદારી નિભાવશે?

~ રાજન પટેલ મેમનગર અમદાવાદ
30/08/2022

Gujarati Shayri by Rajan Patel : 111828941

The best sellers write on Matrubharti, do you?

Start Writing Now