કેસરીયો મોખરે રહી કરે ભારતમાતાની રક્ષા
એના લોહી- લોહીમાં વહે દેશહિતની સુરક્ષા
એ જ મારા દેશની નિતી છલકે વિશ્વાસભરી
જ્યાં ધવલ આભે ઊડે મુક્ત ગગનના પંખીડા
શાંતિ અને સમાનતાની હવાએ લહેરાય પતાકા
એ જ મારા દેશની મહોબત છે માનવતાભરી
જ્યાં હરિયાળી નાચે ને પ્રજાજન મુખે મલપતી
એની સમૃદ્ધિમાં જ ભાઈચારાની વાત છલકતી
એ મારા દેશના સૈનિકોની શહાદત છે હિંમતભરી
દોડવું ને દોડતા રહેવું, ન થાકવું કદીયે દુશ્મનોથી
સુદર્શન ચક્રથી હણવા શત્રુના સિર સદાય હકથી
એ મારા અશોકચક્રની અવિરત ગતિ સાહસભરી
આન,બાન ને શાન છે આપણો આ લહેરતો ત્રિરંગો
એની પાસે ફિક્કા પડે જીવના બાકી બચેલા રંગો
એ જ મારા દેશના વીરોની કહાણી છે વીરતાભરી
શિતલ માલાણી "સહજ"
૧૪/૮/૨૦૨૨
જામનગર
-Shital Malani
