// લાગણી-માંગણી //
——————————————————————————
#DIPAKCHITNIS

આ શબ્દોની વચોવચ આપણી ભાવનાઓ જ અટવાય છે,
ને બધી જ પ્રાર્થનાની આડમાં બસ માંગણીઓ ઠલવાય છે !!

સૌની આંતરિક નેમ હોય છે પહોંચવાની પ્રયત્ન વગર અહી
તેથી જ ઘણીવાર અપણા, કદમોમા જ મંઝીલો અટવાય છે !!

મુફલિસ મુસાફરોની આળસની જ હતી એ એક પરાકાષ્ઠા,
કઈ વાર સીધા ને સાફ રસ્તાઓ પણ હાંફી ને થાકી જાય છે !!

નિખાલસતાના ડહોળમાં રહી જ ક્યાં કાચ જેવી પારદર્શિતા,
સાચી મહોબ્બત જ વહેવાર વચ્ચે કાયમ ગોથા ખાય છે !!

રુદન એક અંધારાનું ઓગળી ગયું મધરાતનાં સન્નાટામાં,
હાસ્ય અજવાળાનું પરોઢિયે મન મુકીને સાંભળી શકાય છે !!

મારાં ને તમારા મુખૌટા ઉતરે તો જ અસલી ચહેરો દેખાય,
બાકી તહેવારોમાં પણ બનાવટી વહેવાર જ સચવાય છે !!

અનુભવનાં ચશ્માથી જયારે જયારે નીરખી છે આ દુનિયા,
ત્યારે મીઠાં સરોવર પણ મને મૃગજળ જેવાં જ દેખાય છ
આ જુવો તથાકથિત ધર્મોમાં પણ કોઈ અટવાય છે "પરમ",
મુજ "પાગલ" ને એજ ભગવાન હોવાની શક્યતા દેખાય છે !!

Gujarati Motivational by DIPAK CHITNIS. DMC : 111825323

The best sellers write on Matrubharti, do you?

Start Writing Now