રોજ રોજ યાદ આવો,સારું ન કહેવાય
આમ વગર પગારી નોકરી પર રાખો,સારું ન કહેવાય

મળવું હોય તો મળી લઈએ રૂબરૂમાં જ,એમાં શું?
આમ શમણાંનું કમાડ રોજ ખખડાવો,સારું ન કહેવાય

સ્મિત સાથે નજર ઝુકાવો,ત્યાં સુધી તો ઠીક પણ,
કાન પણ લટ ફેરવી,પથારી ફેરવો,સારું ન કહેવાય

દિલ,દફતરી,દાવત અને દીવાનગી બધુંય લઈ લીધું
ને હજુય પ્રેમના પુરાવા માંગો, સારું ન કહેવાય

એક'તો દિલ તોડી નાખ્યું,અડકો દડકો જ્યમ રમીને,
ને મારા દાવે હાથ પાછળ સંતાડો,સારું ન કહેવાય

વાત બસ લાગણીની હોય તો ચાલ ભુલીએ જઈએ,
તમે તો શ્વાસ ભૂલવાની માંડો,સારું ન કહેવાય
- નિર્મિત ઠક્કર

Gujarati Poem by Nirmit Thakkar : 111824736
Prince Daiya 4 year ago

દીલ ની નજીક આવો છો ને વાત કરો છો ત્યાં સુધી તો ઠીક હતું... પણ અમથી વાત માં એકલા મૂકી ને જાઓ છો ..એ સારું ના કેવાય....

The best sellers write on Matrubharti, do you?

Start Writing Now