ઓ મેહુલિયા ! તુ ખમ જરા,

આજે તો મસ્ત નાની;હોડી બનાવી મેં તો,

સખીઓની સાથે મારે જાવું છે પાણીમાં;

મસ્ત મજાની રંગબેરંગી હોડીઓ લઈને,

હળવેથી હોડીને મુકીશું પાણીમાં;

નીચે નમી હાથ નાખીશું પાણીમાં,

આગળ ધકેલીશું પગ મુકી પાણીમાં;

એક, બે, ત્રણ અને ચાર હોડીઓ,

નાના ખાબોચિયામાં તરે છે હોડીઓ;

મારી હોડીમાં મેં તો ભર્યા છે ફૂલડાં,

પાણીને વધાવશું અમે શાળાનાં ફૂલડાં;

જાજો દરિયા પાર ,અમારી નાની શી હોડીઓ,

દે'જો સંદેશો દરિયા દેવને સૌ હોડીઓ;

અમે બાલુડાં આજ મસ્તીની લહેરમાં,

નીકળ્યાં સૌ વર્ગ બહાર મેહુલાની મહેરમાં.

Gujarati Poem by Jagruti Pandya : 111820085

The best sellers write on Matrubharti, do you?

Start Writing Now