#ટોપિકઓફધડે
"સ્ટારબર્સ્ટ ગેલેક્સી"
સ્ટારબર્સ્ટ ગેલેક્સીસ એ એવી ગેલેક્સીસ છે કે જે તારા નિર્માણના ઉચ્ચ દર માંથી પસાર થતી હોય છે! એટલે કે તે ગેલેક્સીસમાં રહેલાં ગેસના વાદળો માંથી ઝડપથી તારાઓ નિર્માણ પામે છે! આ નવા નિર્માણ પામતાં તારાઓનો દર અન્ય ગેલેક્સીસમાં નિર્માણ પામતાં તારાઓના દર કરતાં વધુ હોય છે! આ દરને સોલર માસ(સૌર દ્રવ્યમાન) પ્રતિ વર્ષના એકમમાં માપવામાં આવે છે.
૧ સોલર માસ=૨×૧૦^૩૦ કિલોગ્રામ થાય છે! આપણી આકાશગંગાનો તારા નિર્માણનો દર ૩ સોલર માસ પ્રતિ વર્ષ છે જયારે સ્ટારબર્સ્ટ ગેલેક્સીસનો દર ૧૦ સોલર માસ પ્રતિ વર્ષ હોય છે! નવા તારાઓના જન્મનો દર એ ગેલેક્સીસના નિર્માણમાં મહત્વનો ભાગ ભજવે છે.
આ તારા નિર્માણનો દર, બે ગેલેક્સીસની અથડામણને કારણે પણ વધી જાય છે! બે ગેલેક્સીસની અથડામણને કારણે એક નવી ગેલેક્સી નિર્માણ પામે છે અને આ ગેલેક્સીમાં સૌથી વધુ પ્રમાણમાં તારાઓ જોવા મળે છે અથવા તો ગેસના વાદળો જોવા મળે છે જેમાંથી તારાઓ ઝડપથી નિર્માણ પામે છે!
-નીલકંઠ
