રખડતાં રખડતાં મુલાકાત થઈ ગઈ;
અમસ્તાં અમસ્તાં જરા વાત થઈ ગઈ.

નથી કોઈ લેતું જુબાની પ્રણયમાં;
હરખતાં હરખતાં હવાલાત થઈ ગઈ.

અમે જે ગણી‘તી સવા શ્રી, જફા એ;
સમજતાં સમજતાં સવા સાત થઈ ગઈ.

નથી ફાયદો કંઇ થયો આયનાનો;
મલકતા મલકતા જુદી જાત થઈ ગઈ.

થવું તો હતું સ્હેજ સામે સૂરજની;
પ્રગટતા પ્રગટતા જરા રાત થઈ ગઈ !

હતી વાત ઘરની; અચાનક જુઓને;
સરકતાં સરકતાં એ વૃતાંત થઈ ગઈ !

ડૉ. મુકેશ જોષી

Gujarati Poem by અધિવક્તા.જીતેન્દ્ર જોષી Adv. Jitendra Joshi : 111777858

The best sellers write on Matrubharti, do you?

Start Writing Now