અહીં એક વાર્તા કહેવાની કોશિશ કરી છે ગઝલ દ્વારા. વહુને એમ લાગે છે કે સાસુ બધું કામ કરી તેને સતાવે અને જતાવે છે એના જવાબમાં આ ગઝલ લખેલ છે...
એવું તને લાગે છે કે એ બધું જતાવે છે!
અરે! એ તો એનો જ સ્વભાવ બતાવે છે.
સતાવે છે એ તને એવું લાગતું હશે તને!
એને તો એનું પોતાનું જ મન સતાવે છે.
તારી તાળીઓથી મન પ્રસન્ન નહીં થાય એનું!
એને તો ક્યાં હવે મહેફિલમાં મોજ આવે છે.
થઈ ગઈ એની ઊંઘ હરામ એવું લાગે છે કેમકે
ડરામણા સપનાઓ એને આખી રાત આવે છે.
એણે ઉછેરેલા ઝાડવાંઓનાં ફળ ફરી ગયાં
હવે તો એના આંબા પર લીંબોળીઓ આવે છે.
