ઘરમાં કાંઈ ખૂટતું નથી,
કોઈ વહેલું ઉઠતું નથી
નાસ્તાનાં ટેબલ પર,
થાય છે વાતોનાં વડા..
પરવારીને જલ્દી હવે
નહાવાનું સૂઝતું નથી
ઘરમાં કાંઈ ખૂટતું નથી,
કોઈ વહેલું ઉઠતું નથી
ઝાડુપોતાંની
થઈ ગઈ છે આદત
ને ચોખ્ખુંચણાક
હવે લાગે છે ઘર
કોઈપણ ક્યાંય કશું
આડુંઅવળું ઘરમાં
જરાય મૂકતું નથી
ગરમ ગરમ જમવાનું,
ને પ્રેમ ભર્યો આગ્રહ.. !
વધારે ખાઈને,
આફરો ચડાવી
હુંફાળી બપોરે સુવાનું
કોઈ જરા ચૂકતું નથી
ઘરમાં જ થઈ જાય છે,
મિજબાની સાંજે,
પણ
એનાં ફોટા ફેસબુક પર
કોઈ હવે મૂકતું નથી
હોટલ ને ડિનર,
પાર્ટી ને પબ થીએટર, પોપકોર્નનાં ખર્ચા ગાયબ
ઘરનું ખાવાનું ને ઘરનું ટીવી
હવે
કોઈપણ કશા માટે ઝૂરતું નથી
હવે પાછુ જવાનું
જો આવશે ઓફિસ
તો શીખવું પડશે
બધું નવેસરથી
મનની શાંતિ ને
પરિવારનો પ્રેમ
હવે પૈસા પાછળ
છોડ, ઝૂરવું નથી
આખી દુનિયા
જાણે વસી છે ઘરમાં
ખોટેખોટી આ દુનિયાની હોડમાં જીવતેજીવત ,
જાઓ હવે મરવું નથી
હવે પૈસા પાછળ
છોડ, ઝૂરવું નથી
