રમતો બધી રમીને પુરી થઈ ગઈ..
જુના ફોટાઓ જોવાઇ ગયા..
જુના દિવસો પણ જીવી લીધા..
ફરજિયાત રજાઓ નથી જોઈતી હવે..
ભગવાન, તારો ખેલ હવે પૂરો કર..
કંટાળો આવ્યો
બીક વાળી સ્વચ્છતાનો
સેનીટાઇઝર અને માસ્ક નો
ઘરમાં ગોંધાઈને રહેવાનો
ખોટુ ખોટુ હસવાનો
સંકટને હવે તો સમેટી લે
ભગવાન, તારો ખેલ હવે પુરો કર..
નવી પેઢીના સ્વપ્નો માટે
માંડી દીધેલ અર્ધા દાવ માટે
હાથ ઉપર ના પેટ માટે..
ભગવાન, તારો ખેલ હવે પૂરો કર..
જગતની ધીરજ ડગમગી જાય, એ પહેલા
સહનશક્તિ પુરી થઈ જાય, એ પહેલા
"તારા " પર પ્રશ્નો ઉભા થાય, એ પહેલા
ભગવાન, તારો ખેલ હવે પૂરો કર..
હવે નહી કહું હું, કે સમય જ નથી
કુટુંબને, સંબંધોને પૂરો ન્યાય આપીશ
નિસર્ગ, સૃષ્ટી નું કરીશ હું રક્ષણ
આ કોયડાનો જવાબ આપી દે ને હવે
ભગવાન, તારો ખેલ હવે પૂરો કર..
ઘણી થઈ ગઈ, જે શિક્ષા આપી એ
ભૂલો અમારી સમજાઈ ગઈ પૂરેપૂરી
મન, વિચારો પણ શુદ્ધ કર્યા છે રે
હાથને સ્વચ્છ કરતા કરતા
વચન અમે આપીએ છીએ તને
ભગવાન, ઓ ભગવાન, હે ભગવાન, તારો ખેલ હવે તો પુરો કર..
🙏🏻🙏🏻🙏🏻🙏🏻
